Pas kërcënimit të Edi Ramës nga Fevzo Arena, arrestohet Fredi Beleri
Pa kaluar as dy orë nga kërcënimet që Kryeministri Edi Rama bëri nga Fevzo Arena ndaj kandidatit të Koalicionit “Bashkë Fitojmë” për kryetar të Bashkisë Himarë, Fredi Beleri, ai u arrestua!
Por, edhe me këtë rast u pa se Edi Rama është një frikacak model dhe gjithë atë pështymë që nxori në Arenën e Blendi Fevziu ishte kot, sepse Fredi Beleri nuk u arrestua për deklaratat mbi helenizimin e Shqipërisë ose përdorimin e flamurit të Voriepirit në takime, madje as për kërcënimet që foli Kryeministri se Fredi u bënë emigrantëve shqiptarë përmes telefonit, por, për shitje-blerje të votës në flagrancë ndonëse me rastin e arrestimit nuk kishte as para, as njeri që blente votë dhe as ndonjë që shiste, por vetëm rrëmujë dhe kërcëcime në lokalin e Fredi Belerit!
Sot, reagimi i shefit të diplomacisë greke Nikos Dendias edhe mund të kuptohet pas takimi që shefi i tij, Kyriakos Mitsotakis, bëri me Fredi Belerin gjatë vizitës në Himarë dhe Kryeministri i Shqipërisë heshti, por jo dhe arsyetimi i Kryeministri Edi Rama sot pas kërcënimit të mbrëmshëm dhe pamjeve me flamur të Verioepirit të Belerit
“Ndalimi i kandidatit të opozitës për Himarën F.Beleri me urdhër të prokurorisë përbën një sprovë të madhe për drejtësinë në vigjilje të zgjedhjeve, që do të thotë se shkelja e ligjit nga ana e tij duhet të jetë e provuar dhe ndalimi i tij ligjërisht i motivuar!,” tha Edi Rama në reagimin e tij përmes rrjetit socia Twitter duke u munduar të bindur shqiptarët se beteja e tijë me këtë kandidat nuk ka asnjë lidhje me hetimet apo përfundimet e prokurorisë ndërsa përfundon:
“Duke respektuar pavarësinë e plotë të organeve të drejtësisë, i bëj thirrje të gjithëve të mos nxitohen me konkluzione politike po të presin me durim fjalën dhe provat drejtësisë.”
Ndryshe, sot Policia e Vlorës lëshoi zyrtarisht urdhër arrest për Fredi Belerin, nën akuzën e shitblerjes së votave.
“Është arrestuar duke premtuar dhe dhënë para në këmbim të votës,”, thuhet në procesverbalin e Prokurorisë së Vlorës pa u përmend sasia e parave që është sekuestruar referuar akuzës së ngritur.
Brenda 48-orëve kandidati për Bashkinë e Himarës, nga koalicioni Bashkë Fitojmë do të dalë përpara gjykatës për masë sigurie, që do të thotë se në zgjedhjet e së dielës, ai vetë nuk do të ketë mundësi as të shprehë vullnetin dhe as të kërkojë mbështetjen e qytetarëve.
Në fund, shqiptarët përveç se panë masakaradën e radhës nuk e kuptuan se pse në Shqipërinë e Edi Ramës lejohet flamuri i Verioepirit por jo dhe ai i Rithemelimit të PD, zyrat e së cilës u mbyllën nga policia në Tiranë; Apo do të jetë dhe ky rezultat i ndonjë takimi sekret të prostituave politike të Lulzim Bashës me Taulant Ballën!
