Vodafone largon 11.000 punëtorë. Shefja e re: Nuk po punojmë mirë!

Vodafone do largojë 11.000 punëtorë në tre vitet e ardhshme. Kjo lëvizje do të ndikojë në selinë në Britaninë e Madhe si dhe shtetet tjera. Drejtorja e re e Përgjithshme, Margherita Della Valle duke shpalosur planet e saj për thjeshtësimin e biznesit të kompanisë së telekomunikacionit tha se ajo nuk po punon sa duhet mirë.

Vodafone ka dy seli në Mbretërinë e Bashkuar, zyra qendrore është në Reading dhe zyra në Paddingtonin londinez. Kompania prezantoi panet për mbylljen e vendeve të punës në Gjermani dhe Itali, raporton BBC.

“Që në mënyrë dinjitoze të jap rezultate, Vodafone duhet të ndryshoj. Prioritetet e mia janë konsumatorët, thjeshtësimi dhe rritja. Do ta thjeshtojmë organizatën tonë, do largojmë kompleksitetin në mënyrë që sërish të jemi konkurrent,” tha Della Valle, e cila është emëruar si drejtuese e re e Vodafone në muajin janar.