Inceneratori i Fierit, SPAK kërkon 84 vite burg për të akuzuarit!

Prokuroria e Posaçme Kundër Korrupsionit dhe Krimit të Organizuar, SPAK, ka dhënë sot pretencën duke kërkuar 10 vite burg për Ish-Ministrin e Mjedisit, Lefter Koka në lidhje me inceneratorin e Fierit.

Po ashtu, për Ish-Sekretarin e Përgjithshëm të Ministrisë së Mjedisit, Alqi Bllako, është kërkuar dhe 7 vite burg. Prokuroria e Posaçme kërkon 12 vite burg për Klodian Zoton, ndërsa u kërkua 4 vite burg për Arben Dervishajn, raporton BW.

Të katër të akuzuarit përfitojnë nga gjykimi i shkurtuar nëse shpallen fajtor.

Për Kokën, Bllakon, Abeshin, Muçën, Shaterij, Muratajn, Cenameri dhe Dervishaj është kërkuar edhe dënimi plotësues, 5 vjet heqje e të drejtës për ushtrim funksionesh publike.

Kështu, nga dënimi i kërkuar nga SPAK, raporton BW, secilit i ulet një e treta nga gjykimi i shkurtuar:

Lefter Koka 10 vjet

Alqi Bllako 7 vjet

Klodian Zoto 12 vjet

Pellumb Abeshi 4 vjet

Florian Muçaj 3 vjet

Azem Shatëri 3 vjey

Erjon Murataj 4 vjet

Arben Dervishaj 4 vjet

Loran Dusha 8 vjet

Arjola Kodra 3 vjet

Arbër Denizi 7 vjet

Juri Imeraj 7 vjet

Regan Merdani 4 vjet

Gentian Zifla 4 vjet

Sabina Cenameri 4 vjet, pezullohet dënimi për shkak se ka fëmijë te mitur.