Nuk e kanë idenë e konfliktit, por Borrell-Rama diskutojnë për Kosovën

Dyshes që nuk i njohin zhvillimet në Kosovë, Përfaqësuesit të Lartë për Politikë të Jashtme dhe Siguri të Bashkimit Evropian, Josep Borrell, dhe Përfaqësuesit të BE për dialogun Kosovë-Serbi, iu shtua Kryeministri Edi Rama, për të diskutuar për Kosovën.

Pas takimit në Bruksel me kryeministrin e Shqipërisë, Edi Rama, Borrell tha se është urgjente të zgjidhet situata e tensionuar në veri të Kosovës dhe se shtetet anëtare të BE-së janë duke e humbur durimin ndaj kësaj situate ndërsa Rama përsëriti kërkesën idiotike për një konferencë të tipit Dayton ose Rambuje.

“E kam bërë të qartë dhe ishte qëndrim i shteteve anëtare dje që palët duhet ta shtensionojnë situatën dhe të gjejnë zgjidhje përpara bazuar në udhërrëfyesin evropian që u është propozuar në tavolinë. Kjo situatë kërkon që ne të marrim masa në mënyrë urgjente dhe shtetet anëtare janë dakord me këtë urgjencë. E kanë humbur durimin përpara kësaj situate,” tha Borrell duke u shprehur i lumtur që Shqipëria ka qenë në harmonizim të plotë me politikën e Bashkimit Evropian, por, jo dhe i zemëruar që Serbia vazhdon të jetë në linjë të plotë me Rusinë dhe injoron kërkesat e BE-së.

“Jam i lumtur të shoh se Shqipëria ka qenë në harmonizim të plotë me politikën e BE për politikën e sigurisë për masat kufizuese në linjë me vlerat tona dhe e ka bërë Shqipërinë një partner shumë të mirë. Ky pozicion e bën Shqipërinë një target, por Shqipëria do ketë mbështetjen e BE-së në këta aspekt. Po punojmë për rritjen e rezistencës së Shqipërisë dhe rajonit, sa i takon sulmeve kibernetike.”

Ndërkaq, Kryeministri Edi Rama, i kompleksuar nga miqësia me Presidentin e Serbisë, Aleksandar Vuçiç, dhe injorant për të kaluarën e Kosovës, edhe sot foli për një konferencë që do të zhvillohet me liderët e dy palëve dhe liderët nga shtetet anëtare të BE e SHBA, që nuk do të largoheshin nga konferenca pa një marrëveshje të përbashkët.

“Ishte kënaqësi të ndanim së bashku opinionet tona për diçka kaq shqetësuese dhe për të cilën ju personalisht po punonin fort që ka të bëjë me stabilitetin e rajonit dhe progresin, ecurinë rajonale. Ne jemi pjesë e një rajoni që ka vuajtur shumë dhe s’mund të ketë disavantazh tjetër. Në këtë rajon ngjarjet janë të ndërlidhura dhe ne s’mund të shohim vetëm pragun tonë.

Keni ndarë me ne prova se durimi ka humbur për shtete anëtare të BE dhe uroj shumë që konferenca që do të zhvillohet me liderët e dy palëve do të tërheqë vëmendje dhe do të sjellë liderë nga shtetet anëtare të BE-së e SHBA-së dhe të mos i lejojmë të largohen nga konferenca pa një marrëveshje të përbashkët,” tha Edi Rama pas takimit me shefin e diplomacisë evropiane Josep Borrell duke dalë zbuluar se si njëri ashtu dhe tjetri nuk e kanë idenë e këtij konflikti, i cili nuk është as konflikt, përderisa ushqehet dhe mbahet gjallë vetëm nga Bashkimi Evropian!

Ndryshe, retorika e kriminelit Aleksandar Vuçiç dhe dhuna ndaj Policisë së Kosovës dhe KFOR-it do të ndalonte në momentin e parë kur si NATO ashtu dhe BE do ta dënojnë këtë retorikë dhe këtë dhunë!

Deri sa Televizioni Publik i Serbisë, RTS, financohet nga BE ashtu si dhe mediat që mbështesin kriminalitetin e Aleksandar Vuçiçit, konferenca e Edi Ramës mund të zgjas sa t’ja don kokrra e qejfit të batonit, por do të jetë kot!

Këto vatra të urrejtjes shqiptare ishin shumë më shumë aktive nga viti 1999 se sa para luftës ndërsa fjalori që përdorin këto media si dhe librat me të cila arsimohen gjeneratat e reja serbe, prodhojnë vetëm vrasës shqiptarë pavarësisht se çfarë ndodhë në veri!

Sot, gjatë qëndrimit në Bruksel, Kryeministri Edi Rama u takua me Presidentin e Këshillit Evropian, Charkes Michell, Presidenten e Komisionit, Ursula Von der Leyen dhe Komisionerin e BE për Zgjerimin dhe Fqinjësinë, Olivér Várhelyi.