Franca e tërbuar pse një amerikane mori post të rëndësishëm në BE, KE: Asgjë për tu konstestuar!
Komisioni Europian nuk sheh asgjë për tu kontestuar në emërimin e Fiona Scott Morton, ish-zyrtare e lartë amerikane në administratën e Barack Obamas, për ekonomisten kryesore, tha sot zëdhënësja e KE, një ditë pasi reagoi ashpër Franca për shka të këtij emërimi.
“Nuk shohim arsye ta rishqyrtojmë këtë emërim,” tha sot zëdhënësja Dana Spinant.
Vendimi i Zv/Presidentes ekzekutive, të KE, Margrethe Vestager, që për ekonomisten kryesore të emëroj profesoren e ekonomisë nga Universiteti Yale dhe ish-zyrtaren e lartë të Departmentit amerilkan të Shtetit, ka shkaktuar reagim të ashpër në Francë.
Tre ministra francez kanë shprehur shqetësimin për shkak të këtij vendimi dhe ka ftuar Komisionin Europian që të rishqyrtoj vendimin, e kundër u shpreh edhe e majta opozitare.
Jean-Luc Melanchon nga e majta ekstreme tha se ky emërim është dëshmi se kontinenti europian po i bashkohet Amerikës Veriore.
Liderja e radikalëve, Marine Le Pen, në reagimin e saj përmes rrjetit social Twitter shkruan: “Europa nuk është më aspak europiane”.
Fiona Scott Morton, 52 vjeç, do ta marrë detyrën më 1 shtator kur ekonomisti kryesor aktual, Pierre Regibeau shkon në pension. Gjithashtu do të jetë gruaja e parë dhe shtetasja e parë e SHBA në detyrë në këtë institucion.
Scott Morton do ta ketë rolin kryesor në hetimet mbi shkeljet e mundshme të rregullave në barazinë e garës në treg në segmentin e gjigantëve teknologjik, siç janë Google, Apple, Meta Platforms dhe Microsoft.
I është besuar roli kryesor në verifikimin e kompanive të mëdha si, blerjes së Amazon të Robot dhe blerjes së Adobe nga Figma.
Emërimi i Morton vjen në momentin kur BE duhet të zbatoj ligje të reja ambicioze për rregullimin e sektorit të përmendur, e shefja e KE, Ursula von der Leyen, u përball me një lum kritikash dhe akuza se është shumë “atlantike”.
Ndryshe, Ministri për Digjitalizim dhe Telekomunikacion i Francës, Jean-Noël Barrot, i ka bërë thirrje Komisionit Europian që ta rishqyrtoj përzgjedhjen sepse kjo do të nxis çështje legjitime.
“Të punësosh lobisten amerikane të GAFAM (Google (Alphabet), Apple, Facebook (Meta), Amazon dhe Microsoft) në momentin kur Europa po bënë përpjekje të kufizoj ndikimin e tyre, kjo është e jashtëzakonshme. Ky emërim në rastin më të mirë është i çuditshëm, e në rastin më të keq, i rrezikshëm. Komisioni duhet ta hedhë poshtë,” tha eurodeputeti francez, Geoffroy Didier.
Profesorja Morton “në letër” e pranon interpretimin e gjërë të konceptit të së mirës së konsumatorit, i cili nënkupton çmimin dhe cilësinë e produktit, por ka refuzuar ta zbatoj në praktikë, konfirmuan Balanced Economy Project, Corporate Europe Observatory, European Digital SME Alliance, Irish Council for Civil Liberties, LobbyControl i Open Markets Institute.
