Shtensionimi ka ndodhur, Kurti: Po e zbatojmë Marrëveshjen e Bratislavës!
Duhet parandaluar ri-eskalimi në veri, kur s’ka protesta të dhunshme të planifikuara nga Beogradi zyrtar, nuk ka deeskalim të situatës, tha sot Kryeministri Albin Kurti para kabinetit qeveritar duke shtuar se Kosova po respekton marrëveshjen e Bratislavës ndërsa foli edhe për vizitën e tij në Greqi .
“Për fqinjësi të mirë demokratike e evropiane është e domosdoshme njohja reciproke de-jure e de facto si dhe të drejtat e pakicave në mënyrë simetrike dhe sipas konventave evropiane. Në takimet bilaterale theksova progresin progresin ekonomik dhe demokratik të Kosovës si dhe rëndësinë e zbatimit të plotë e të pakushtëzuar të marrëveshjes bazë. De-eskalimi në katër komunat në veri të vendit praktikisht ka ndodhur, ndërkohë që Kosova po e zbaton marrëveshjen e Bratislavës,” tha Albin Kurti ndërsa për përfaqësimin e Kosovës në 20 vjetorin e shënimit të fillimit të procesit të anëtarësimit të Ballkanit Perëndimor, në Bashkimin Evropian, që u organizua në Athinë, ai tha se ka theksuar se çdo shtet i cili synon anëtarësimin në BE duhet të zbatojnë një sërë kushte.
“Në darkën e përbashkët që patëm unë theksova se anëtarësimi i Kosovës në Bashkimin Evropian nuk ka alternativë. Të gjitha shtetet që aspirojnë anëtarësimin e shtetit në BE duhet ta zbatojnë demokracinë, sundimin e ligjit, respektimin e të drejtave të njeriut dhe fqinjësimin e mirë,” tha Kurti e për pjesëmarrjen e presidentit ukrainas në takim, Volodymyr Zelenskyy vlerësoi se kjo i kontribuon Kosovës drejt integrimit në familjen evropiane.
“Në prag të samitit të Berlinit në Tiranë në këtë tetor, takimi në Athinë me pjesëmarrjen e presidentit Zelenskyy i kontribuon bashkëpunimit rajonal dhe procesit të integrimit në BE,” tha Kryeministri i Kosovës, Albin Kurti ndërsa për Deklaratë e përbashkët shtoi se ajo bënë thirrje për mbështetje të palëkundur për pavarësinë dhe integritetin territorial të Ukrainës, ndëshkimin e krimeve të kryera gjatë luftës dhe thirrjen për përgjegjësi ndaj kryerësve të krimeve.
