Pas racizmit të Brnabiçit, Kurti:Normalizimi me Serbinë është i vështirë, por mund të ndodhë

Ndonëse Forumi Strategjik i Bledit në Slloveni prezupozonte dhe diskutime me njerëz normal që drejtojnë shtete, pjesë e tij i shin edhe njerëz me çrregullime si Kryeministrja e Serbisë, Ana Brnabiç dhe Kryeministri i Shqipërisë, Edi Rama.

Kur drejtuesi i panelit i drejtohet Ana Brnabiçit për dialogun dhe marrëdhë Kosovë-Serbi, ajo thotë se kemi të bëjmë me një shtet, Serbinë, duke ofenduar edhe Presidentin e saj i cili rezulton, sipas kësaj racisteje moderne evropiane, se po dialogon me veten e vet!

Ndërsa lideri global i Shkodrës, Bërzhitës, Vunoit dhe gjithë Shqipërisë, Edi Rama, ishte skeptik me parashikimin e Presidentit të Këshillit Evropian, Charles Michel, për vitin 2030 si vit të zgjerimit të BE. Duke njohur shtetin që drejton, Edi Rama mendon se është i pamundur anëtarësimi i Shqipërisë në këtë, opinioni publik shqiptar e priti shumë keq ndonëse Kryeministri Rama ishte i qartë; Ai foli për shtetin nëse do të drejtohet nga Edi Rama deri në vitin 2030!

“Nuk besoj se në 2030 ne do jemi në BE por për disa nga hapat kjo do të ishte shumë e mirë. Duhet ta kuptojnë që boshllëku i kontributeve për frymë i BE drejt këtij rajoni, dhe shteteve të Ballkanit perëndimor është si 130 e ca euro për 6 prej nesh, dhe më shumë se 4 mijë euro për dy prej nesh këtu. Kjo duhet kuptuar dhe duhet zgjidhur me hapa konkretë,” tha Edi Rama duke e cilësuar këtë panel si autobus ku ai është tragjikisht më shumë optimist, megjithëse e pranoi se është më mirë se sa një avion rus!

Kryeministri Albin Kurti, fillimisht foli për të arriturat e Kosovës, ku në shumë aspekte është më mirë se vendet e tjera e rajonit ndërsa shpreson se Kosova, të jetë pjesë Këshillit të Evropës dhe partneritet me NATO-n.

Duke vënë në dukje se pesë shtetet e BE-së që nuk e kanë njohur Kosovën, tha se po punohet me këto shtete në aspektin bilateral.

“Ka hapa të vegjël dhe shpresojmë që të na njohin edhe ato shtete. Një mënyrë tjetër është që ato shtete skeptike t’i bindim me zhvillim dhe rezultat”, tha Kurti në një panel të diskutimit, ku po marrin pjesë edhe liderë të rajonit, në  kuadër të pjesëmarrjes së tij në ‘Forumin Strategjik të Bledit-BSF 2023’, të Sllovenisë,”

Lidhur me situatën në veri, Kryeministri Kurti, tha se duhet shtensionim në komuna, Kosova ka ulur praninë e policisë dhe së shpejti do të ketë zgjedhje të parakohshme në këto komuna.

“E ashtuquajtura Republikë e Kosovës nuk është shtet i njohur ndërkombëtarisht, nuk është anëtare e OKB-së. Po qartë dyshoj se do të bëhet pjesë e BE-së, derisa të ketë pesë shtete mosnjohëse. Normalizimi është në interes të Beogradit e Prishtinës, të serbëve dhe shqiptarëve, është në interes të gjithë rajonit, është qartë një gjë lartë në listën e prioriteteve tona,” tha Brnabiç duke iu përgjigjur pyetjes në panelin e Forumit Strategjik të Bledit për marrëdhëniet mes Kosovës dhe Serbisë, por ndryshe nga parardhësit e tij, Albin Kurti iu përgjigj homologes së tij serbe, duke rikujtuar se normaliteti në psikologji nënkupton mungesë të konfuzitetit mes realitetit dhe fantazisë.

“Përkrahja për BE-në në Kosovë është 94 për qind, në Serbi 35 për qind. Kemi vendosur sanksione kundër Rusisë, Serbia nuk po mendon për këtë. Nuk është distancuar nga Millosheviqi e as Putini. Nuk është e lehtë për ne. Dua të normalizoj marrëdhëniet dhe do ta bëja menjëherë. Normalizimi me Serbinë është më i vështirë, por mund të ndodhë. Duhet të zbatojmë Traktatin bazë që jemi dakorduar në Bruksel. Normalizimi në psikologji nënkupton mungesë të konfuzitetit mes realitetit e fantazisë,” tha Kryeministri i Kosovës, Albin Kurti.

Ndryshe, përveç Kryeministrit Albin Kurtit dhe Ana Brnabiç, në këtë panel të Forumit Strategjik të Bledit-BSF 2023, ishin edhe Kryeministri i Sllovenisë, Robert Golob, Kryeministri i Shqipërisë, Edi Rama, Kryeministri i Bullgarisë, Nikolai Denkov, Kryeministri i Kroacisë, Andrej Plenkoviç, Kryeministri i Maqedonisë së Veriut, Dimitar Kovaçevski, Kryeministri në detyrë i Malit të Zi, Dritan Abazoviç, Kryetarja e Këshillit të Ministrave të Bosnje Hercegovinës, Borjana Kristo, dhe, Presidenti i Këshillit Evropian, Charles Michel.