Video/ Priftërinjtë serbë në Gjilan i detyrojnë fëmijët t’i këndojnë Rusisë

Instituti për Studime të Luftës Hibride OCTOPUS, ka siguruar një video të ditëve të fundit, ku serbët në Manastirin e Draganacit, në veri të Gjilanit, këndojnë këngë duke madhëruar Rusinë, ndërsa kërkohet okupimi i Kosovës nga Serbia.

Përveç kësaj, në këtë objekt kulti, priftërinjtë inkurajojnë fëmijët për këto motive edhe duke i paguar.

Një video të tillë e ka shpërndarë në rrjetin social, Drejtori i Institutit për Studime të Luftës Hibride OCTOPUS, Agim Musliu.

Hulumtuesja në OCTOPUS, Arta Haxhixhemajli, ka sqaruar për televizionin publik të Kosovës, RTK, se ky Institut ka siguruar videon nga rrjetet e mbyllura sociale, që i përket ultranacionalistëve serbë. Videoja, sipas saj, është realizuar në këto dy a po tri ditët e fundit.

“Vendi i realizimit të videos është në Manastirin e Draganacit në mes të Gjilanit dhe Kamenicës. Ne video shihet manipulimi i fëmijëve dhe keqinformimin e gjeneratave të reja po ashtu edhe vazhdimësia e përbashkët serbo-ruse për mos-heqjen nga Kosova edhe vazhdimin e konflikteve”, deklaroi ajo.

Kështu, sipas saj, ata mbjellin nacionalizmin “dhe stërvitje ushtarake tek gjeneratat e reja duke filluar nga librat e ilustruara me nacionalizëm serb të lidhura me betejën e Koshares dhe indoktrikimin e fëmijëve me urrejtje ndëretnike”.

Ndërkohë fëmijët serbë nën drejtimin e klerikëve kriminale serb vazhdojnë me këngën:

“Le të ngritët e gjithë Serbia/ le ta kuptojë nënë Rusia/ dhe t’i lutemi Zotit/ që këtë këngë ta këndojmë/ vitin e ardhshëm në Kosovë/”.