Vjosë, kujdes!

Presidente e Kosovës, Vjosa Osmani, të gjithë i dinë ndjenjat dhe respekti që keni për nënën Shqipëri, por Juve nga kjo kastë shtetërore nuk ju respekton asnjeri. Jo juve si Vjosë, por çdo shqiptar të Kosovës qysh se ekziston Kosova ndërsa Serbia është ulur këmbëkryq në Tiranë!

Sot në orën 10:00 në Tiranë është organizuar një ceremoni zyrtare e mirëserardhjes, siç thuhet nga Presidenti i Republikës! Por, ai deri më sot, që nga betimi, nuk ishte as President e aq më pak i Republikës!

Thjeshtë, Presidenti i Edi Ramës!

Konferenca për shtyp në orën 11:40 nuk është bërë për dy Presidentët, por për t’ju denigruar! Kujdes, këtu mediat janë nën kujdesin e Edi Ramës dhe Partisë Socialiste!

Në orën 12:30 do ju pres Kryeministri Edi Rama! Fat është që kombëtarja nuk ka ndeshje futbolli sepse ky tipi që është i intubuar, kur ishte Kryeministër nuk e përfilli agjendën, e la Presidentin Ibrahim Rugova të pres 40 minuta. Dhe, si i papërgjegjshëm që ishte dhe është, i kërkoi falje para gazetarëve duke i thënë se po shikonte ndeshjen e futbollit me Hungarinë! Arsye madhore, vërtetë!

Mos harro Edi Rama i dha Presidentit historik Ibrahim Rugova, çelësin e Tiranës ashtu sikur se këngëtarit serb Goran Bregoviç, i cili adhuron kriminel serb dhe autorin e masakrës së Srebrenicës, Ratko Mladiç; Dhe, nesër për Ju, nuk ka as çmim presidencial dhe as kryeministror, por, ka përgatitë një ceremoni të dhënies së Titullit “Patron i Kalasë” në qytetin e Beratit!

Sa për respektin që do të bëjë Edi Rama kjo s’do koment! Ky njeri e ka dashtë Isa Mustafën për inat Hashim Thaçit, i hypi dashnia për Hashimin për inat të Ramush Haradinajt, dhe tani duhet ta don Vjosa Osmanin për inat të Albin Kurtit!

Por kujdes, Edi Rama nuk harron, hakmarrjen e ka për zot jo vetëm për kosovarët!

Pse kryetarja e Parlamentit të Shqipërisë, Lindita Nikolla, nuk do t’a jap fjalën në parlament, këtu mos e vrit mendjen, kështu i ka ardhë mesazhi nga Edi Rama, dhe pas atij fjalimi që mbajte në parlament, gjatë vizit së kaluar, harroje atë foltore deri sa në pushtet janë socialistët.

Nesër, në ceremoninë e Ditës së Nënës Terezë, Vjosë, ti me delegacionin që ke, normalisht do të keni emocione, por mos harro, para, mbrapa, dhe në krah ke vetëm të pafe! Këta nuk dinë as për Gonxhen, as për Nënën Terezë e aq më pak për të Shenjten tonë të nderuar!

Në Portin e Durrësit bëjë shumë kujdes, qëllimi është proklamuar nga Kryeministri Edi Rama, por ata që ke në krahë mund të fusin edhe ndonjë dozë kokaine, e aty ku do të prezantohet pika doganore, gjithçka mund të ndodhë!

I ndjeri Pjetër Arbnori e ka thënë me kohë: Këta nuk janë socialista, këta janë specialista!

Dhe, mos harro, specializimin, që të gjithë e kanë kryer në Beograd!

Ndryshe, Kryeministri i Shkodrës, Vunoit dhe gjithë Shqipërisë, Edi Rama, kështu e ka përcaktuar këtë agjendë të vizitës së Presidentes së Kosovës, Vjosa Osmani, në Shqipëri:

4 shtator
Ora 10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.

Ora 10.15-10.40 – Takim tete-a-tete midis Sh.T.Z. Bajram Begaj, President i Republikës së Shqipërisë dhe Sh.S.Znj. Vjosa Osmani Sadriu, Presidente e Republikës së Kosovës

Ora 10.40-11.30 – Bisedimet dypalëshe midis dy delegacioneve të kryesuara nga Presidenti i Republikës së Shqipërisë SH.T.Z. Bajram Begaj dhe SH.S.Znj. Vjosa Osmani Sadriu, Presidente e Republikës së Kosovës;

Ora 11.40-12.05 – Konferencë për shtyp dhe pyetje-përgjigje

(Shënim: Deklaratat e dy Presidentëve – nga dy pyetje nga gazetaret për secilin President)

Ora 12.30-12.45 – Takimi tête-à-tête midis Sh.T. Z. Edi Rama, Kryeministër i Republikës së Shqipërisë dhe Sh.S. Dr. Vjosa Osmani, Presidente e Republikës së Kosovës

Ora 12.45-13.00 – Takim midis dy delegacioneve te kryesuara nga Sh.T.Z. Edi Rama, Kryeministër i Republikës së Shqipërisë dhe SH.S.Znj. Vjosa Osmani Sadriu, Presidente e Republikës së Kosovës

Ora 14:35-15:20 – Takim midis Kryetares së Kuvendit, SH.S.Znj. Lindita Nikolla dhe Presidentes së Republikës së Kosovës SH.S.Znj. Vjosa Osmani Sadriu

5 shtator

Ora 09:00 – 09.20 – Aktivitet i përbashkët i dy Presidentëve me rastin e Ditës së Nënë Terezës në ekspozitën e Arkivave

Të dy presidentët marrin pjesë në hapje dhe japin nga një deklaratë

Vendi: Presidenca e Shqipërisë

Ora 09:30-09:40 – Ceremonia e vendosjes së kurorës në monumentin “Nëna Shqipëri” me pjesëmarrjen e Nënkryetarit të Bashkise, z. Andi Seferi dhe Komandantit te Gardes se Republikes, z. Gramos SakoNisja për në BERAT

Ora 11:15-11:30 – Takim midis Presidentes së Republikës së Kosovës SH.S.Znj. Vjosa Osmani Sadriu, me Kryetarin e Bashkisë së Beratit, Z.Ervin Demo

Vendi: Bashkia e Beratit

11.30-11.45 – Ceremonia e dhënies së Titullit “Patron i Kalasë” Anglisht “Patron of the Castle”). Ky është një titull shumë i lartë ekskluziv, i cili i jepet personaliteteve të shquara që vizitojnë qytetin dhe që kontribuojnë me veprimtarinë e tyre në dobi të qytetit.

NISJA PËR NE DURRËS

Ora 16.50-17.15 – Takim me Kryetaren e Bashkisë te Durrësit, zj. Emiriana Sako
Vendi: Bashkia Durrës

Ora 17.30 – Vizite ne piken doganore te Kosovës ne Portin e Durrësit