Kjo betejë fillon nga Kukësi

nga Sali Berisha*

Përulem me nderimin më të thellë para të gjithë opozitarëve të Kukësit dhe mbarë Shqipërisë, për qëndresën e tyre në kushtet më të jashtëzakonshme gjatë këtij dhjetëvjeçari.

Opozitare dhe opozitarët në këto 10 vite u përballën me një platformë të egër të dhunimit, terrorit psikologjik, ekonomik të gjithanshëm ndaj tyre. Demokratet dhe demokratët, opozitarët dhe opozitare e Kukësit dhe mbarë Shqipërisë, u përçmuan këto 10 vite më shumë se kurrë në 30 vitet e fundit. U përzunë nga vendi i tyre, u pushuan nga puna, ju mbyllën bizneset, ju hoq ndihma ekonomike, u detyruan të përcjellin fëmijët në dhera të tjerë, u trajtuan si armiq.

Në këtë kontekst mund të ju them se sot në një kohë kur në botë të drejtat dhe liritë e njeriut kanë marrë një dimension që nuk e kanë pasur ndonjëherë, as armiqtë e jashtëm nuk mund të silleshin më egër se sa sekti i rilindjes ndaj popullit opozitar.

Opozitaret dhe opozitarët gjithashtu u përballën këto 10 vite me një dhimbje të madhe për vendin e tyre, sepse Shqipëria nga Atdhe, nga një tokë e bekuar nga Zoti, u shndërrua në një vend të cilin 83% e shqiptarëve duan ta braktisin. Pamje e rëndë, pamja e dhimbshme që përjeton fëmija, kur sheh nënën e vet që keqtrajtohet.

Pra, opozitaret dhe opozitaret, por jo vetëm ata. Shqiptarët dhe shqiptaret që zgjodhën të jetojnë në Shqipëri dhe të mos largohen, u përballën me çmime stratosferike. A e dini ju, dhe mund ti pyesni se ata që shkojnë në Itali, fjalën e parë që thonë është se, ushqimet ishin më lirë. Ata që vijnë nga Greqia, të thonë se djathi është më i lirë atje. Ata që vijnë nga Gjermania të thonë se ushqimet janë më lirë atje se këtu. Pra ky pushtim i vendosur mbi popullin opozitar, por edhe mbi socialistët e thjeshtë, të themi pa asnjë diskutim, se unë nuk dua ti jap këtu një karakter ndarje klasore, por Zoti të vret po nuk i the armikut, armik, po nuk i the pushtuesit pushtues, nuk çlirohesh kurrë prej tij.

Çfarë ndodh me ne. Largime masive, çmime stratosferike, vjedhje dhe vetëm vjedhje. Shndërrimi i pasurive tona në një mallkim të vërtetë. Çfarë ndodh me ne, kur bijtë tanë marrin gomonet, Edi Rama shkon për të parë film në kinema në Venecia. Kur bijtë tanë marrin gomonet, Edi Rama qarkullon me avionin e tij personal dhe shpenzon 23 mln euro.

Po a janë këto më të këqijat. Jo. Ju jeni njerëz politik, këto janë shfaqje, negative. Çfarë ndodh me ne. Ne vidhemi si asnjë qytetar tjetër në botë. Ndërtohet rruga Korçë-Ersekë me dy korsi dhe e ngushtë. Ajo që duhej të kushtonte 4 mln segmenti, shkon 40 mln euro.

Unaza e Tiranës ka nisur në 2010. Nga 2013 e deri më sot copëtohet lot mbas loti vetëm për të vjedhur, me 24 mln euro kilometri, dy herë më shumë se tuneli i Kërrabës, apo 70% më shumë se tuneli i Kalimashit.

Çfarë ndodh me ne. E dëgjoi që foli për Shpiragun. Sot falë asaj strategjie që ndërmorëm për ndërtimin e HEC-eve Shqipëria prodhon 2 terravat energji elektrike më shumë seç konsumon. Çfarë përfituat ju, çfarë përfituan shqiptarët, asgjë, përkundrazi, vetëm vjedhje dhe vetën vjedhje.

Po Shpiragu ka naftë, por ato çmime të suksesit që bën të vazhdojë janë të vitit 2012. Ajo fushë nafte është miratuar në vitin 2012. Po çfarë do të shofin shqiptarët prej saj nëse do të jetë Edi Rama, atë që shohin, atë që fituan me 2 terravat orë e energji elektrike të prodhuar më shumë. Asgjë.

Përsëri këto janë shfaqje.

Thelbi i të gjithave është liria.

Ky regjim ka shkelmuar liritë tona. Provoni e shkoni në gjykatë, nuk gjykoheni fare se nuk ka gjykatës. Shkoni e kërkoni ndihmë në polici, kujdes se polici është mik i banditit dhe vrasësit. Po çfarë niveli. Ndoshta ndonjë prej jush e ka njohur Xhevahirin që ka qenë prokuror në Shkodër. Xhevahiri nxirrte nga burgu Bajrin. Jo nuk ishte më i keqi, më i keqi ishte Xhevahiri i skapit që e çoi dosjen në Shkodër. Por çfarë ishte Xhevahiri i skapit, cili ishte Xhevahiri i skapit. Ai ishte kandidati i parë i Pëllumb Gjokës dhe Edi Ramës për tu bërë numri një i skapit. Do të dëgjoni dhe prap të tjera.

Pra të gjitha këto çfarë janë? Të gjitha këto faktojnë se ne jetojmë në një pushtim dhe gjithë problemi qëndron se jetojmë në një pushtim. Se gjithë problemi qëndron tek liritë. A do të ngrihemi ne. A do të ngrihemi ne në lartësinë e idealeve tona të lirisë. A do të vendosim ne të qëndrojmë për idealet e lirisë? Kjo do të përcaktojë gjithçka.

Nëse ne hedhim një regjim që sillet si pushtues ndaj nesh në betejën tonë për liri, Shqipëria prap do të bëhet atdhe, shqiptarët prap do të qëndrojnë në Shqipëri.

Nuk ka vend me pasuri përrallore, ju i njihni më mirë se unë bjeshkët e Sharrit, gjithë masivi gjer në Korab. Më thoni mua. Çfarë investimi ka në to, absolutisht janë më të bukur se shumë male të tjera. Një ligj që bëmë për të hequr 8 vite taksën e atyre që investojnë në male dhe nuk thamë as në bjeshkët e Kukësit apo Tropojës, por nga Çajupi në Valbonë, akti i parë e anuloi. Po pse e anuloi. Trafikantët, miqtë e tij nuk merrnin mundimin të investonin në male, donin brigjet dhe vuri ligjin për të përjashtuar 20 vite nga taksat, trafikantin që merr 5 mln euro me drogë që nuk e ka për asgjë fare, kurse malet mahnitëse përrallore të këtij masivi, të Alpeve dhe kudo, mbetën në plogështinë e zhvillimit.

Dua të them këtu një gjë.

Ju dëgjoni çdo ditë, Edi Rama i vjedh zgjedhjet, Edi Rama e vjedh votën. Unë ju them ju se kjo është një e vërtetë absolute. Edi Rama vjedh zgjedhjet, votën dhe lirinë. Nuk ka vend tjetër ku krimi të shndërrohet në votë dhe vota në krim.

Ky Gjici, ky ka fituar po të ja numëroni ka fituar të paktën 400 tendera, pa ato paratë që ka fituar në tunelet, ku roje ishin njerëzit e tij. Pra të gjitha këto i shndërroi në vota, ato ishin tendera krimi.

Të tjerë më drogë.

Pëllumb Gjoka, Bajrët e vunë Shkodrën në thembrën e krimit. Ministrat bënin mbledhje me ta. Pra ne jemi në kushte pushtimi. Por a duhet ne, a duhet ne të tërhiqemi, a duhet ne të ulim kokën? Kurrë nuk duhet të ulim kokën, përkundrazi ne duhet tu përvishemi këtyre armiqve me të gjithë forcën tonë. Ne duhet të bëjmë gjithçka që Emri Vata të jetë kryetari i ardhshëm dhe nga Kukësi të fillojë ndryshimi.

Ora është e misionit të opozitarëve.

Asgjë në botë nuk vlen se sa e përpjekja e tij për liri. Asgjë në botë nuk ka lartësuar kombet se sa përpjekja e tij për liri. Kohë është sot për një përpjekje të re të fuqishme. Sa jemi ne në regjistër të numëruar nga armiku ynë, jemi 600 mijë. Jo të gjithë janë të gatshëm për betejë. Këtu është detyra jonë, misioni ynë. Të themi të vërtetën, asgjë nuk duhet të bëjmë ne, pa krijuar ndërgjegjen e vërtetë se duhet të ngrihemi ndaj këtij pushtuesi të egër, se duhet të flakim, ta tmerrojmë që të mos guxojë të prekë votë tonë.

Nuk ja prekim kujt votën, por ata që na kanë prekur votën këto 10 vite ata duhet të përgjigjen para jush, para shqiptarëve.

Kjo betejë fillon nga Kukësi. Kjo betejë duhet të përhapet në të gjithë Shqipërinë, është vendimtare që Shqipëria të bëhet Atdheu ynë, i fëmijëve tanë dhe mbesave tona.

Ju pyes unë ju, lumjanë, hasjanë, tropojanë, çfarë do që të jeni në këtë trevë, a mund të votohet një njeri që sillet si armiku më i egër ndaj Kosovës.

Ndaluni pak, po ky vërsul këtë verë me një tërbim të papërmbajtur ndaj kryeministrit të Kosovës dhe fliste për Donbas e Donjesk, fliste për luftë e konflikt dhe i vinte sanksione. Anulonte mbledhje, Vuçiçi heshte, ky fliste dhe sulmonte. Po si mund ta tolerojmë ne. Ne kemi gjak të derdhur nga ai armik dhe nuk mund të qëndrojmë kështu.

Ky mendoi se erdhi koha ti vërsulej Kosovës dhe të sillej si kryeministri i saj. Ky njoftonte se dita e kiametit për Kosovën po afron. Po çfarë ka këtu. Çështja e Kosovës është në tryezën e presidenti të SHBA, kancelarit Gjerman, kryeministrit të Françës, atij Britanik. Sigurisht ka një problem për tu zgjidhur, por që ti të bëhesh qen sulmi ndaj saj, ti s’je shqiptar dhe ti lëndon çdo shqiptar që ka ADN shqiptare.

Sillet si pushtues.

Ngjyra mavi e shtrirë mbi votën e vjedhur, është ngjyrë e urryer, duhet ta shporrim, duhet ta çlirojmë Shqipërinë nga kjo ngjyrë.

Ndaj dhe këto javë, nga dita e zgjedhjeve në Kukës, le të bëjmë çdo përpjekje me çdo banore e banorë të Kukësit. Ftoj kuksianët kudo që ndodhen të kontribuojnë në këtë hap të parë. Beteja jonë nuk ka të ndalur.

Ua them unë ju dhe popullit opozitar kudo që është, se ne do të angazhohemi në një betejë të drejtë dhe të ndershme për lirinë dhe dinjitetin e çdo shqiptari, se nuk ka pushtues në botë që të mund tu ketë rezistuar lëvizje për liri.

Edi Rama do të jetë i pari që do të ja mbath. Edi Rama është një kryebandit, që nuk ndan asnjë normë morale me shqiptarët. Është një hajdut, është një Pëllumb Gjokë. Ju do të shihni javët e ardhshme, do të dalin prap miqtë e tij.

Ka krijuar një ushtri propagandistike, ju mashtron ju nga mëngjesi në darkë. U sjell si shushunja me paratë e krimit, me djersën tuaj, vetëm për të ju mashtruar.

Por koha ka provuar se kjo propagandë tek 600 mijë shqiptarë, ishte zero. Duhet të bëjmë gjithçka që të ndezim dritën e shpresës e të fitores në zemrën e çdo shqiptari. Duhet të bashkohemi me të gjithë ata që nuk duan të pajtohen me gjithë këto të këqija të mëdha që i bien Shqipërisë.

Shikoni ju!

Gjithçka vërtitet tek liria. Nuk ka liri pa pluralizëm. Sigurisht nuk mund të them se janë të lidhura dhe nuk mund të them se nuk janë të lidhura. Me qëndrimet e tij Edi Rama, ndaj opozitës, me blerjen e saj, vjedhjen e vulës etj., më rikujton 11 dhjetorin e vitit 1991. Ishte mbledhur plenumi i Komitetit Qendror të Partisë. Në atë plenum kishte shumë që thonin se duhet të plotësojmë kërkesat e studentëve, por kishte një rrymë me Spiro Kolekën, dajën e tij, që thoshte tu fusim tanket, tu fusim mitralozat, tu bëjmë këtë e atë studentëve. Nuk e bënë atë, u krijua një opozitë e vërtetë.

Edi Rama atë që ata nuk e bënë, e bëri me dosjet e krimit me qeset e parave. Po përsëri sot çdo opozitar ka forcë të jashtëzakonshme në idealin e tij, me forcën e idealit për liri, absolutisht ai është i pamposhtur kudo që të jetë.

Ndaj dhe thirrja ime për ju, për të gjithë opozitarët e Shqipërisë, të hidhemi në betejë, të bëjmë gjithçka kudo që jemi që ti dridhim tokën nën këmbë këtij pushtuesi të egër, i cili bazohet në grupe kriminale, bazohet në para droge, bazohet në keqësinë, në qëndrime antishqiptare.

Opozitarët qëndruan si njerëz të idealeve, qëndruan të pamposhtur, qëndruan 10 vite. Kam bindjen se ora është e tyre, koha është e tyre.

Rroftë populli opozitar, rroftë Shqipëria!

*Fjala e Kryetarit të PD në hapjen e fushatës për zgjedhjet e pjesshme në Bashkinë e Kukësit