Pas thirrjeve të SHBA dhe BE, forcat serbe lëvizin drejt qendrës! Lojë serbe apo…

Pas thirrjes së SHBA dhe BE për zhvendosjen e trupave serbe përgjatë kufirit me Kosovën sot është vërejtur lëvizja e një autokolone ushtarake nga jugu në drejtim të veriut të Serbisë!

Kjo lëvizje e autokolonës ushtarake nga drejtimi i Vranjës në drejtim të Nishit, raporton RFE, është vërjetur rreth mesditës afër qytetit të Predejanës i cili ndodhet 300 kilometra në jug të Beogradit dhe rreth 100 kilometra nga pikëkalimi më i afërt kufitar ndërmjet Serbisë dhe Kosovës, Merdarë.

Ndryshe, nuk dihet nëse kemi të bëjmë sërish me lojë serbe por kjo zhvendosje e forcave të Ushtrisë së Serbisë vjen pas thirrjeve konkrete drejtuar shtetit serb nga Washingtoni dhe Brukseli!

Dje Zëdhënësi i Këshillit të Sigurisë Kombëtare, John Kirby, tha se Shtetet e Bashkuara po vëzhgojnë një grumbullim të madh ushtarak të Serbisë përgjatë kufirit me Kosovën, që përfshin artileri të avancuar, tanke dhe njësi ushtarake të mekanizuara, të cilin ai e quajti të pashembullt ndërsa i bëri thirrje Serbisë të tërheqë forcat nga kufiri, që të kontribuojë në uljen e tensioneve dhe vëmendjes.

Sot, Përfaqësuesi i lartë për Politikë të Jashtme dhe Siguri në BE, Josep Borrell, i bëri thirrje sot Serbisë ta ndalë menjëherë zhvendosjen e ushtrisë përgjatë kufirit me Kosovën dhe t’i tërheqë trupat e vendosur deri tani.