Video/ Pamje të frikshme, reshjet e shiut shkatërrojnë qytetet ku u zhvilluan 10 ndeshje të Kupës së Botës “Rusia 2018”

Kupa e Botës “Rusi 2018” e cila u zhvillua prej 14 qershorit deri më 15 korrik mori notat më të lartë për organizimin e këtij eventi. Organizatorët kishin fat edhe sa i përket motit, por kjo ndryshoi dukshëm pas përfundimit të tij, kur moti u përkeqësua dhe krijoi skena të frikshme, në veçanti në Volgograd dhe Nizhnji Novogorod, ku reshjet e mëdha kanë shkaktuar dëme të paimagjinueshme në stadiumet e këtyre qyteteve.

Këto objekte ku janë luajtur ndeshjet e Kupës së Botës ishin shumë të bukura, por edhe kjo ndryshoi dhe do të duhet një kohë e gjatë që dëmi i shkaktuar të riparohet. Në veçanti kur është fjala për “Volgograd arena”, pasi rrugët që të çojnë drejtë stadiumit e janë pranë lumit Volga, janë shkatërruar plotësisht. Pranë stadiumit janë krijuar kratere të frikshme që kanë zhdukur rrugët përreth stadiumit.

Edhe kompleksi në Nizhnje Novogorod kishte fat shumë të keq, ku është shkatërruar plotësisht rruga që çon tifozët nga njëra anë në stadium, e banorët lokal fajësojnë kompaninë e ndërtimit që ka kryer punimet, sepse janë bërë me shpejtësi vetëm që të jenë në kohë me hapjen e Kupës së Botës.

Kujtojmë se në “Volgograd arena” janë luajtur këto ndeshje: Arabia Saudite – Egjipti, Nigeria – Islanda, Tunizia – Anglia dhe Japonia – Polonia; ndërsa në Nizhnje Novogorod janë luajtur: Argjentina – Kroacia, Zvicra – Kostarika, Suedia – Koreja Jugut, Anglia- Panamaja, Kroacia – Danimarka dhe Uruguai – Franca