Presidenti Trump: Nëse dështojnë bisedimet, do të jem armiku më i keq i Putinit

Presidenti i SHBA, Donald Trump premtoi se do të jetë armiku më i keq i Vladimir Putin, nëse marrëveshjet e tij me presidentin rus nuk japin fryte.

“Do të jem armiku më i keq të cilin e ka pasur ndonjëherë,” tha Presidenti Trump për CNBC.

Mirëpo, presidenti amerikan vlerësoi rastin për përmirësimin e marrëdhënieve SHBA-Rusi, madje edhe pas deklaratave të shërbimeve sekrete  amerikane se Moska disa herë ka bërë përpjekje që të ndërhyjë në zgjedhjet e Shteteve të Bashkuara në vitin 2016.

“Të biesh dakord me Putinin, të biesh dakord me Rusinë, është pozitive, jo negative,” vlerësoi Presidenti Trump.

Presidenti i Shteteve të Bashkuara njëkohësisht kritikoi paraardhësin e tij Barac Omaba se ishte plotësisht naiv ndaj Rusisë, deri sa ai, është më i ashpër ndaj Moskës, më shumë se se cili do president “për shumë, shumë vite”.

“Ndoshta i të gjitha kohërave,” tha Trump në një intervistë në Shtëpinë e Bardhë me Joe Kernen të CNBC e cila do të transmetohet sot e plotë në “Squawk Box” .

Ndërkohë zëdhënësja e Shtëpisë së Bardhë, Sarah Huckabee Sanders, shkroi në Twitter se Presidenti Trump ka kërkuar nga Këshilltari i Sigurisë Kombëtare, John Bolton që në vjeshtë ta ftojë Putinin në Washington.