Skandali/ Veliaj shpall fitues të tenderit të uniformave të policisë bashkiake biznesin nën sekuestro…
Zëdhënësja e PD-së, Ina Zhupa, ka denoncuar një rast flagrant të abuzimit me ligjin nga Kryebashkiaku i Tiranës, Erion Veliaj, dhe strukturat nën varësinë e tij, lidhur me tenderin për uniformat e policisë bashkiake.
Përmes një postimi në rrjet, Zhupa shprehet se firma e shpallur fituese është nën sekuestro nga Drejtoria e Tatimeve, rezulton një biznes me vetëm 1 të vetëpunësuar dhe me borxhe.
“Biznesi në fjalë, shoqëria “Vojsava Zenelaj” rezulton biznes nën sekuestro nga Drejtoria e Tatimeve (dokumentat më poshtë). Person Fizik ( biznes i vogël) është subjekt me borxhe dhe në mbledhje me forcë dhe ka vetëm 1 person të punësuar sipas dokumentave dhe asnjë tjeter. Pra një i vetëpunesuar dhe nënsekuestro kualifikohet si fitues për bashkinë Tiranë”, shkruan Zhupa.
Denoncimi i Ina Zhupa
Bashkia e Veliajt jep tenderin për “uniformat e policisë bashkiake” një biznesi nën sekuestro dhe me 1 të vetëpunësuar!!!
Bashkia Tiranë ka zhvilluar një tender për prodhimin e uniformave të policisë bashkiake. Këtë tender me vlerë rreth 100 milionë lekë, i është dhënë një biznesi, i cili as nuk duhet të ishte pranuar për konkurim.
Biznesi në fjalë, shoqëria “Vojsava Zenelaj” rezulton biznes nën sekuestro nga Drejtoria e Tatimeve (dokumentat më poshtë). Person Fizik ( biznes i vogël) është subjekt me borxhe dhe në mbledhje me forcë dhe ka vetëm 1 person të punësuar sipas dokumentave dhe asnjë tjeter. Pra një i vetëpunesuar dhe nënsekuestro kualifikohet si fitues për bashkinë Tiranë.
Në hartimin e kontratës së shpallur të prokurimit për tenderin përkatës , janë kryer shkelje në kriteret ligjore për “pjesën e kapaciteteve ekonomike dhe logjistike të subjektit” që është në kundërshtim me :
– Ligji “Për prokurimet publike”
– VKM Nr. 914, datë 29.12.2014 (i ndryshuar ) Neni 26,27 .
Ky është rast flagrant i shkeljes së ligjit dhe abuzimit më paratë publike. A është kjo një skemë e përsëritur sesi vidhet me tenderat publik? A menaxhohen paratë në Bashkine e Tiranës në interesin privat të Veliajt dhe drejtorëve të tij për tu pasuruar?
Disa pyetje për Veliaj:
Çfarë interesi ka Veliaj që shkel ligjin?
Çfarë lidhje përfitimi ka ai me biznesin në fjaleë qeë është në sekuestro nga tatimet?
A pasurohet Veliaj nga tendera të tillë? Sa të shpeshta janë të tilla tendera?
I bëj thirrje prokurorisë të hetojë dhe i drejtohem me këto pyetje: Kur do nis hetim nga ju për t’u dënuar personat përgjegjës deri në majën e hierarkisë?
A do reagoje PPP Arta Marku ndaj të dhënave të përsëritura për çështje penale të Erion Veliajt?
Dokumentat në foto gjeni:
- Dokument nga serveri i tatimeve që biznesi është nën sekuesto dhe ka 1 të vetëpunësuar.
- Formulari i shpalljes së fituesit të tenderit nga Bashkia Tiranë.
- Preventivi i uniformave që duhen prodhuar.
- Ekstraktin e QKP që vërteton se biznesi ka vetëm 1 të vetëpunësuar, pra person fizik.
