Polonia: Putinit duhet ti përgjigjemi me gjuhën që ekupton!

Shefi i ri i diplomacisë polake, Radoslaw Sikorski, i ka bërë thirrje sot Perëndimit që të pajisë Ukrainën me predha me rreze veprimi të gjatë që do ti mundësonin të përgjigjet në sulmet masive ruse me “gjuhën që e kupton Putini”.

“Duhet ti përgjigjemi sulmit më të ri ndaj Ukrainës me gjuhën që presidenti rus Vladimir Putin e kupton: me forcimin e sanskioneve në mënyrë që të mos ketë mundësi të prodhoj armatim të ri me komponentët e trafikuar dhe dhënien Kievit raketa me rreze veprimi të gjatë që do ti mundësoj shkatërrimin e pikave ruse të lançimit si dhe qendrat komanduese,” tha Radoslaw Sikorski përmes rrjetit social X, pas sulmeve ajrore masive të Rusisë në Ukrainë, duke vrarë pesë civil dhe duke plagosur 130 qytetarë kryesisht në Kiev dhe Harkiv.

Polonia është njëra ndër mbështetëset kryesore të Ukrainës në Evropë, përkundër ftohjes së muajve të fundit për shkak të kontesteve tregtare. Në detyrë që nga mesi i muajit dhjetor, si pjesë e qeverisë proevropiane, Sikorski në prag të festave të fundvitit realizoi udhëtimin e tij të parë jashtë shtetit, për ta informuar aleatin ukrainas për mbështetjen e Polonisë kundër Moskës.

Me këtë rast, ai i bëri thirrje Bashkimit Evropian dhe SHBA që të mobilizojnë ekonomitë e tyre dh emjetet për prodhim në mënyrë që ta armatosin Ukrainën.