Komisioni Rama-Basha, PD: Lulzim Basha, zagar që ka shitur interesat e demokratëve!

Përtej një Marrëveshje Rama-Basha në Komisionin për Reformën Zgjedhore, zelli që deputetët e Lulzim Bashës treguan sot për të mbajtur mbledhjen e Komisionit të Medias pa informuar deputetët e opozitës, tregon se mazhoranca qeverisëse e Edi Ramës me Lulzim Bashën projektojnë në kokat e tyre komuniste edhe stabilitetin e numrave që do të mund të miratoj çdo ligj që arrinë në Kështjellën prej Rëre të cilën Kryeministri Edi Rama e zëvendësoi me Tempullin e Ligjeve, për ta bërë këtë vend çorapë të patjerrun për shumë gjenerata që do vijnë pas!

Sot, në Komisionin e Medias u konfirmua se nuk është mazhoranca e Edi Ramës por ajo pjesë të cilën Kryeministri e paralajmëroi në Lezhë se do ta blejë në mënyrë që 84 vota të mos jenë pengesë për synimet e tij, dhe që realisht me zellin komunist treguan se janë deputetët me votat e Partisë Demokratike që komandohen nga Lulzim Basha, e që do ti çojnë vetëm përpara planet e shkatërrimit deri në fund të shtetit shqiptar.

Në shenjë revolte për veprimet e këtij Komisioni edhe pse drejtohet nga një deputete e zgjedhura me votat e demokratëve, Flutura Açka, deputetët e opozitës bllokuan punimet.

“Po i shërben Edi Ramës,” ishin akuzat drejtuar Flutura Açkës, nga Kryetari i Grupit Parlamentar të PD, Gazment Bardhi, dhe Sekretari i Përgjithshëm i PD, Flamur Noka, që nuk zbrapsën aksionin socialist të Kryetares së Komisionit të Medias, Flutura Açka, e cila ishte e qartë pse në këtë formë të pistë kishte thirrur mbledhjen duke shpërfillur deputetët e opozitës.

Ajo iu kërkoi që të dilnin nga salla dhe të vijonin punimet, Bardhi dhe Noka i fikën mikrofonin ndërsa Açka vazhdoi të flas si shefi i saj në fermat e Lushnjes.

“Ngri zërin për të drejtat e opozitës,” i tha Gazment Bardhi, por Açka i kërkoi të ulet meqë nuk i kupton se cilat mund të jenë të drejtat e opozitës kur nuk ka qenë e tillë kurrë, e Bardhi i ktheu përgjigjen:

“Jo nuk ulem, pa u plotësuar të drejtat e opozitës.”

Në përpjekje për të bllokuar punimet e Komisionit Medias ishte dhe Flamur Noka që debatoj me Flutura Açkën si drejtuese e këtij Komisioni.

“Deklaro se je me mazhorancën. Këtu ke ardhur me votën e demokratëve, kur të vish me votën e socialistëve,” iu drejtua Noka ndërsa zellit revolucionar iu bashkua edhe Merita Bakiu e cila nuk po duronte pse Gazment Bardhi po pengon realizimin e synimeve të Kryeministrit Edi Rama dhe deputetit Lulzim Basha.

Debati Bardhi-Bakiu

Bardhi: O Merita ka mundësi ti…

Bakiu: Nuk i shërbej Edi Ramës unë, turp t’ju vijë!

Bardhi: Ngri zërin për Komisionet Hetimore, boll. Pazaret i ka ndarë kush i ka ndarë. I ndan ai që i shkon ti prapa.

Bakiu: Nuk i shkon njeri prapa

Noka: Jeni me Edi Ramën

Bakiu: Me Edi Ramën jeni ju

Bardhi: Pazaret i ka bërë ai shefi jot, ti rri se nuk ka njeri gjë me ty. Nuk po të ofendon askush. O Merita do pushosh tani apo jo. Lulzim Basha është një shërbëtor i regjimit dhe një zagar që ka shitur interesat e demokratëve. Të të vijë turp që i shkon nga prapa.

Bakiu: Unë jam me PD!

Bardhi: Nuk kemi gjë me ty, je demokrate se je me PD. Ulu se nuk ka gjë njëri me ty.

Në situatën e krijuar ishte e vështirë të kuptohet se kush po i shërben më shumë Edi Ramës, Açka, Bakiu apo njeriu që ju jep urdhra, Lulzim Basha, por një gjë është e sigurt, njeriu më i lumtur është i biri i Kristaqit i cili nga babai mori një leksion të mirë për rivalët politik: Ata nuk varen në litar vetëm nëse iu heq trekëmbëshin, por, edhe kur vë një firmë të vetme!