Vendimi, GJKKO: Vangjush Dako në arrest shtëpie!

Ish-Kryetari i Bashkisë Durrës, Vangjush Dako, lirohet nga burgu. Sot Gjykata e Posaçme e Apelit për Korrupsionin dhe Krimin e Organizuar, GJKKO, ka vendosur masën “arrest shtëpie” për Vangjush Dakon, për shkak të afateve të paraburgimit.

Ish-Kryetari i Bashkisë Durrës, Vangjush Dako, është i pandehur për shpërdorim detyre në dy raste, në lidhje me një pallat që u dëmtua nga tërmeti i 26 nëntorit 2019 si dhe projektin e Promenadës.

Ndryshe, Vangjush Dako si miku i ngusht i Kryeministrit Edi Rama është shpallur non grata nga Shtetet e Bashkuara, për siç theksohet nga Sekretari amerikan i Shtetit, Antony Blinken, përfshirje në raste madhore korrupsioni.

Vangjush Dako është akuzuar edhe për blerje votash në zgjedhjet e vitit 2017, pas publikimit të përgjimeve nga media gjermane Bild. Pasi disa përgjime u publikuan dhe në VOA , ku ai si Kryetari i Bashkisë Durrës dhe disa zyrtarë të lartë të administratës komunikojnë me Astrit Avdylajn, ai në emisionin e rrëfimit të hajdutëve të Edi Ramës, tha se duart i kishte të pastra akullore.

“Unë tani të rri i pashqetësuar dhe mos filloj të ulëras. Më vjen shumë keq tani, se unë jam njeri me ndjenja, me shpirt. Unë jam njeri që kam reputacion jo vetëm në Durrës por në gjithë Shqipërinë. Mua më njohin njerëzit për akullore, unë jam akullore. I shikon këto duar ti, janë akullore, s’kanë prek këto as drogë, as pistoleta, as lekë të pista. Lul Basha i ka me gjak, i ka të zeza,” tha Vangjush Dako ndërsa rrëfehej për ta dëgjuar opinioni liridashës socialist i krimit, por nuk dihet se si u tretën në sirtarët e gjykatave që duam.