Minjë në Komisariatin e Policisë: Po na hanë marijuanën, të gjithë janë të droguar!

Komisariati i Policisë në New Orleans ka problem me minjë të cilët tashmë janë futur edhe në Zyrën e dëshmive. Drejtoresha e policisë, Anne Kirkpatrick, tha në mbledhjen e Këshillit bashkiak për të drejtën penale se minjtë po u hanë dëshmitë.

“Minjtë po hanë marijuanën tonë në Zyrën e dëshmive. Të gjithë janë të droguar,” tha Kirkpatrick. Minjtë që u futën në Zyrën e dëshmive dhe nuhatën marijuanën ishin në veçanti problematik, tha ajo, për shkak të potencialit që të ndikojnë në rastet penale.

Siç raporton CBS, minjtë nuk janë prezent vetëm në Zyrën e dëshmive sepse disa nga punonjësit kanë theksuar se kanë hasur në jashtëqitje të minjëve edhe në tavolinat e tyre të punës.

“Në po të njejtën godinë nuk punojnë as kondicionerët dhe as ashensorët. Hipokrite është të thuash se qyteti e ka mendjen tek punonjësit në polici sepse ata punojnë në kushte johigjienike,” tha Kirkpatrick.

Në mbledhjen e Këshillit, anëtarët votuan për miratimin e marrjes me qira të një godine të re për policinë e New Orleansit. Qyteti, për qiranë dhjetëvjeçare të godinës së re, do ti duhet të paguaj 670.000 dollarë në muaj. Rindërtimi i Komisariatit aktual të policisë kushton 30 milionë dollarë, që është shumë më shtrenjtë, thanë nënpunësit bashkiak.