Trafik kokaine me nëndetëse drejt Italisë, arrestohen dy shqiptarë
Jo vetëm kokainë nga Amerika e jugut por dhe transport ndërkombëtar i drogës me nëndetëse pa pilot drejt Italisë! Ky ishte qëllimi i organizatës që drejtohej nga dy vëllezër me origjinë shqiptare dhe vepronte midis Ekuadorit, Belgjikës, Francës, Spanjës dhe Italisë dhe dyshohet se furnizonte qendrat kryesore italiane të trafikut të drogës me sasi të konsiderueshme kokaine, hashashi dhe marijuane.
Por, arrestimet e mëngjesit të sotëm nga karabinierët e njësisë hetimore të komandës së Torinos në provincat e Torinos dhe Frosinone si dhe në territorin shqiptar, rezultuan si finalizim i hetimeve të operacionit të koduar “Car Wash” në luftën kundër trafikut ndërkombëtar të drogës, i cili u koordinua nga Drejtoria e qarkut Antimafia të Torinos, Zyra e ekspertit të sigurisë në Tiranë dhe Interpoli.
Pagëzimi i këtij operacioni lidhej me hetimin e drejtuesve të lavazheve që menaxhonin disa plantacione me marijuanë, që bazën e logjistikës e kishin në Volvera, ku në vitin 2022 u arrestua një 62-vjeçar me 200 kilogramë drogë të fshehura në shtëpinë e tij.
Karabinierët konstatuan e organizata drejtohej nga dy vëllezër me origjinë shqiptare, të cilët, duke shfrytëzuar burime të konsiderueshme financiare, rekrutuan punonjësiti e drogës në Itali dhe Shqipëri. Këta bashkëpunëtorë, sipas të gjitha gjasave, kishin për qëllim mbajtjen, transportin dhe shitjen e lëndës narkotike në territor.
Trafikantët, ndër të tjera, kishin projektuar dhe testuar një nëndetëse të vogël, e cila mund të pilotohej nga distanca, ndoshta për qëllime transporti droge. Mjeti, i ndërtuar në fakt, nuk ishte vënë ende në funksion. Megjithatë, janë kryer teste për ta përdorur atë brenda Lago Grande të Avigliana.
Gjatë hetimeve, të kryera nga nëntori 2021 deri në fund të vitit 2022, hetuesit kapën disa ngarkesa droge dhe sekuestruan mbi 204 kilogramë, përfshirë kokainë, hashash dhe marijuanë. Kokaina me shumë gjasa ka mbërritur në Itali nga Amerika e Jugut, duke kaluar nga Holanda, ndërsa pjesa tjetër ka kaluar tranzit nga Spanja dhe Franca, duke përdorur makina të pajisura me dysheme të dyfishta të bëra vetë.
Ndërkohë detajet e operacionit i ka bërë publike edhe Policia e Shtetit përmes një komunikate duke bër të ditur se po bashkëpunon me homologët italianë për operacionin ndërkombëtar “Car Wash”, ku janë identifikuar dhe shpallur në kërkim vëllezërit M. B., 34 vjeç, banues në Tiranë dhe U. B., 36 vjeç, banues në Dibër, si dhe shtetasit E. P., 39 vjeç, banues në Tiranë dhe B. G., 31, banues në Vlorë.
Njoftimi i Policisë së Shtetit
Prej orëve të para të mëngjesit, strukturat e Policisë së Shtetit janë përfshirë në një operacion të përbashkët me Policinë italiane, të koduar “Car Wash”.
Operacioni, i iniciuar dhe aktualisht në zhvillim në Itali, me qëllim lokalizimin dhe arrestimin e pjesëtarëve të një organizate kriminale për trafikim lëndësh narkotike.
Si rezultat i punës hetimore, shkëmbimit të informacioneve dhe veprimeve të tjera operacionale, të përbashkëta me Policinë italiane, në kuadër të operacionit ndërkombëtar “Car Wash”, u identifikuan dhe u shpallën në kërkim shtetasit M. B., 34 vjeç, banues në Tiranë dhe U. B., 36 vjeç, banues në Dibër, vëllezër, si dhe shtetasit E. P., 39 vjeç, banues në Tiranë dhe B. G., 31, banues në Vlorë.
Të 4 këta shtetas akuzohen nga autoritetet në Itali, për veprën penale “Trafikimi i lëndëve narkotike”, kryer në kuadër të organizatës kriminale.
Vijojnë kërkimet, kontrollet dhe veprimet e tjera operacionale, të koodinuara me Policinë e Italisë, me qëllim lokalizimin dhe vënien në pranga të 4 shtetasve të shpallur në kërkim.
