Tentoi t’i vinte flakën një sinagoge, policia franceze e vret

Policia franceze ka vrarë një person të armatosur i cili po tentonte t’i vinte flakën një sinagoge në qytetin verior të Ruanit, tha sot ministri i Brendshëm i Francës, Gerald Darmanin.

“Policia kombëtare në Ruan mëngjesin e sotëm neutralizoi një person të armatosur, i cili qartësisht dëshironte t’i vinte flakën sinagogës së qytetit,” thekson Gerald Darmanin përmes rrjetit social X.

Agjencia e lajmeve AFP duke iu referuar një burimi, raporton se personi i vrarë “ishte i armatosur me një thikë dhe shufër hekuri. Ai iu afrua policisë, e cila e qëlloi” për vdekje.

Franca, raporton RFE ka komunitetin më të madh hebre në shtet pas Izraelit dhe Shteteve të Bashkuara. Ky shtet, ka po ashtu komunitetin më të madh mysliman në Evropë.