Dhunohet avokati i Sali Berishës, policia jep detajet

Avokati i Ish-Kryeministrit Sali Berisha, Sokol Mëngjesi, është goditur me levë mëngjesin e sotëm, sapo ka dalë nga shtëpia. Profesori i njohur i Fakultetit Juridik është transportuar në spital, ndërsa gjendja e tij shëndetësore raprtohet se është e stabilizuar.

Policia e Tiranës thekson se ngjarja ndodhi rreth orës 08:50, në zonën e Ish-Bllokut në Tiranë ku persona ende të paidentifikuar kanë goditur avokatin, duke i shkaktuar dëmtime.

“Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat. I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve. Gjendja e tij shëndetësore është e stabilizuar. Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve,” sqaron Policia e Shtetit.

Ndryshe, pas dhunës së ushtruar nga avokatit të liderit të opozitës, Policia e Shtetit ka marrë filmimet e kamerave të sigurisë përreth vendit të krimit, në mënyrë që të identifikohen tre autorët e sulmit ndaj Prof.Dr.Sokol Mëngjesit.