Përkeqësohet gjendja e avokat Sokol Mëngjesit, reagojnë Dhoma e Avokatisë dhe Universiteti i Tiranës
Përkeqësohet gjendja shëndetsore e avokatit të Sali Berishës, Sokol Mëngjesi. Sipas informacioneve të fundit nga Spitali i Traumës, avokati dhe profesori i njohur i Fakultetit Drejtësisë është futur në intubim.
Ndërkohë kanë reaguar Dhoma e Avokatisë së Shqipërisë duke dënuar dhunën e ushtruar sot ndaj avokatit Sokol Mëngjesi ndërsa thekson se ky nuk është rast i izoluar.
Deklaratë:
Dhoma e Avokatise se Shqiperise shpreh shqetesimin e thelle lidhur me dhunen e rende fizike te ushtruar, mengjesin e dites se sotme, ndaj avokatit Sokol Mengjesi, anetar i Dhomes se Avokatise se Tiranes. Avokati eshte goditur disa here ne koke me leve dhe per shkak te plageve te marra eshte shtruar ne spital.
Ky nuk eshte rast i izoluar i ushtrimit te dhunes fizike dhe psikologjike ndaj avokateve ne Shqiperi, duke rikujtuar aktin e fundit te paprecedentit te dhunes fizike dhe psikologjike ndaj nje avokati ne Dhomen e Avokatise Lezhe, ne muajin Prill te ketij viti. Kercenimi i avokateve, sidomos per shkaqe qe lidhen me ushtrimin e detyres jo vetem cenojne rende misionin e avokatit ne ushtrim te profesionit te tij, por krijojne situata te veshtira qe duhen te vleresohen maksimalisht.
Bazuar sa me siper Dhoma e Avokateve te Shqiperise i kerkon autoriteteve zyrtare te kryejne nje hetim te plote dhe te pavarur brenda nje kohe sa me te shkurter lidhur kete ngjarje te rende.
Njekohesisht garantojme te gjithe avokatet ne Republiken e Shqiperise se Dhoma e Avokatise e Shqiperise do te jete ne krah te cdo avokati ndaj te cilit ushtrohet dhune e çfardo lloji nga kushdo qofte, pavaresisht se nga kush dirigjohet dhuna.
Shprehemi besimplote se reagimi yne do te sherbeje si këmbanë alarmi per organet ligjzbatuese jo vetem per kete rast por edhe per raste te tjera qe cenojne sigurine e jetes se avokateve dhe te familjeve te tyre.
Ndërsa Universiteti i Tiranës duke dënuar sot sulmin agresiv ndaj pedagogut të Fakultetit të Drejtësisë pret që policia dhe prokuroria të zbardh sa më shpejt autorët dhe motivet e këtij sulmi kriminal dhe të rrezikshëm.
Ndryshe, sot rreth orës 08:50, në zonën e ish-Bllokut në Tiranë, tre persona i zunë pritë dhe e sulmuan me grushte dhe sende të forta profesorin e njohur të Fakultetit të Drejtësisë dhe avokatin e Kryetarit të PD, Sali Berisha, ku për pasojë Sokol Mëngjesi pësoi frakturë në kokë dhe dëmtime te zona e ballit dhe pas kokës. Nga këto goditje avokati Sokol Mëngjesi ka pësuar dëmtime në pjesën e trurit dhe hemorragji dhe sipas informacioneve të fundit nga Spitali i Traumës, gjendja shëndetsore e avokatit të Sali Berishës, Sokol Mëngjesi është përkeqësuar dhe profesori i njohur i Fakultetit Drejtësisë është futur në intubim.
