Tragjedia në Athinë, zbulohen të tjerë trupa të pajetë/ Ja frika e autoriteteve…

Dy trupa të pajetë janë gjetur në Mati, zonën turistike në periferi të Athinës, e cila për shkak të zjarreve që nisën të hënën pasdite, sot është tërësisht e shkretuar.

Rreth 130 ekipe të emergjencave janë në terren duke kontrolluar zonën, në të cilën u dogjën 1500 shtëpi. Mediat greke raportojnë se janë kontrolluar rreth 450 banesa, ndërkohë që frika e autoriteteve është për gjetjen e trupave të tjerë të pajetë në zonë.

Mbi 100 persona konsiderohen të zhdukur, ndërsa prej ditës së djeshme, është hapur një platform online ku të afërm apo të njohur të personave që jetonin në zonë dhe nuk janë gjetur ende, depozitojnë të dhënat dhe fotot, duke kërkuar ndihmë.

Nga zjarret humbën jetën 77 persona, ndërkohë që mbi 160 të tjerë janë plagosur, nga të cilët 23 fëmijë.