Inceneratori i Tiranës, SPAK lëshon 8 urdhërarreste, mes tyre gazetari Endrit Habilaj

Në kuadër të hetimeve për inceneratorin e Tiranës, Prokuroria e Posaçme ka lëshuar sot edhe 8 urdhërarreste në mesin e të cilëve edhe i kudondodhuri ndër pagesat e inceneratorit, gazetari Endrit Habilaj.

Për akuzar e “pastrimit të parave” dhe “grup të strukturuar kriminal”, urdhërarrestet me masë sigurie “arrest me burg” janë lëshuar për gazetarin Endrit Habilaj, Dashamir Ymeraj, Denisa Tollkuçi, Renardo Nallbani dhe Ilir Dedja ndërkohë mësohet se urdhërarrestet janë firmosur edhe për tre shtetas të huaj.

Asnjë prej këtyre urdhërarresteve nuk është ekzekutuar deri në këto momente pasi personat nuk janë gjetur gjatë operacionit të policisë.

Ndryshe, përveç këtyre tetë urdhërarresteve bosh, SPAK është përballur edhe në dhjetorin e vitit 2023 ku nga 15 urdhërrestet e para u ekzekutuan 12 ndërsa mbeten në kërkim 3, dy prej të cilëve koka e këtij mashtrimi mafioz, Klodian Zoto dhe Mirel Mërtiri, që vazhdojnë dhe i bëjnë karshillëk Prokurorisë së Posaçme përmes ekraneve televizive duke shantazhuar edhe politikanë të nivelit të lartë.

Si kolegë i prokurorëve është paraqitur në SPAK edhe Kryetari i Bashkisë Tiranë, Erion Veliaj, i cili nuk dihet pse u pyet për më shumë se 7 orë, por nga Mirel Mërtiri dhe Ish-Zv/Kryeministri Arben Ahmetaj u bë e qartë se ai është pronari faktik i Inceneratorit të Tiranës.