Pa 24 deputetë opozitarë, Mamica pretendon seancë normale në Parlamentin e Skënderbeut!

Skënderbeu i Spiropalit ka hapur me Bashkimin Evropian, Kapitujt për negociatat e anëtarësimit në BE, por me opozitën shqiptare ai vazhdon të qeverisë në Shqipëri me Kapitullin e hapur në vitin 1944 nga partia e tij kriminale, pushtetin pa opozitë! Kështu edhe seancën e sotme plenare e ka parashikuar ta zhvilloj pa 24 deputetët opozitar të përjashtuar në mënyrë arbitrare nga Mamica e tij, shumë më bindëse se dora e Shefit i cili në Luxemburg u zotua se do ta fus Shqipërinë në BE!

Seanca e sotme nëse nuk ka të papritura brenda sallës plenare, te porta e saj, aty ku Mamica ka fortifikuar hyrjen në Parlament, opozita pritet të vazhdoj me aksionin e mosbindjes civile ndërsa aty ku mazhoranca mendon se do të zhvilloj një seancë pa opozitë, ish-deputeti i kësaj opozite, Agron Shehaj do të zhvilloj një interpelancë me ministren e Turizmit dhe Mjedisit, Mirela Kumbaro!

Se çfarë do të diskutohet me këtë ministre që Shiqpërinë e sheh vetëm në Gjirokastër, mbetet për tu parë, ashtu siç mbetet për tu parë dhe reagimi i deputetit Agron Shehaj që zgjidhet me votat opozitare dhe e braktis qytetarin opozitar, duke shtuar një deputet në Parlamentin e Edi Ramës pa opozitë!

Gjithsesi, ky është Rendi i Ditës i seancës së sotme plenare që pritet të filloj në orën 10:00:

RENDI I DITËS
Në mbështetje të urdhrit nr. 72, datë 15.10.2024 të Kryetares së Kuvendit, znj. Elisa Spiropali, rendi i ditës është si më poshtë vijon:

1. Miratimi i procesverbalit të seancës plenare të datës 3.10.2024.
2. Njoftime
3. Interpelancë me ministren e Turizmit dhe Mjedisit, zonjën Mirela Kumbaro, kërkuar nga deputeti z. Agron Shehaj.
4. Raporti për veprimtarinë vjetore të Kontrollit të Lartë të Shtetit për vitin 2023.
5. Projektligji “Për disa ndryshime dhe shtesa në ligjin nr. 10 465, datë 29.9.2011
6. Projektligji “Për disa ndryshime dhe shtesa në ligjin nr. 10448, datë 14.7.2011, “Për lejet e mjedisit””, i ndryshuar.
7. Projektvendimi “Për zgjedhjen e anëtarit të Këshillit të Lartë Gjyqësor nga radhët e përfaqesuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë”, i ndryshuar, raundi i tretë.
8. Projektvendimi “Për zgjedhjen e anëtarit të Këshillit të Lartë të Prokurorisë nga radhët e përfaqesuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë”, i ndryshuar, raundi i tretë.
9. Projektvendimi “Për emërimin e anëtarit të Bordit të Autoritetit të Mbikëqyrjes Financiare, që do të mbajë funksionin e kryetarit të Bordit”.
10. Diskutime për çështje jashtë rendit të ditës.
    (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta