Rrëzimi i dronit në Zagreb, NATO: Qeveria e Kroacisë i ka të gjitha informacionet! Kryeministri: Nuk i kemi!

Kryeministri Andrej Plenkoviç tha sot se Kroacia ka pyetur Ukrainën për rrëzimin e dronit para dy viteve në Zagreb, por deri më sot nuk kanë marrë përgjigje.

Në muajin mars të vitit 2022, një dron u fut nga Hungaria në hapësirën ajrore kroate dhe u rrëzua afër qytetit studenti “Stjepan Radiç”. Në këtë incident nuk kishte viktima, ndërsa në tokë ka mbetur një krater me gjërësi tre metra dhe thellësi një metër.

“Ne kemi pyetur shtetin ukrainas të na thotë se çfarë ka ndodhur. Me sa më kujtohet, shteti ukrainas kurrë nuk na ka thënë deri më sot se çfarë ka ndodhur,” tha Plenkoviç pas një mbledhje të partisë.

Javën e kaluar, Zv/Sekretari i Përgjithshëm i NATO-s, Boris Ruge, gjatë vizitës në Zagreb tha se ky nuk ishte sulm i Rusisë ndaj Kroacisë, por fatkeqësi teknike dhe qeveria kroate “i ka të gjitha informacionet”.

Por, Plenkoviç thekson se ai nuk ka informacione. “Por informacionin e fortë: a) ishte gabim, b) ishte qëllimi, unë kurrë nuk e kam parë nga ata prej kur u nis droni,” tha Kryeministri i Kroacisë.

Ministri i Mbrojtjes në atë kohë, Mario Banozhiç, konfirmoi se droni ka ardhur nga territori i Ukrainës, por hetimet do të vërtetojnë se kujt i takonte në atë moment, në çfarë mënyr është lansuar dhe pse.

Në atë kohë homologu i tij ukrainas Oleksij Reznikov tha se Ukraina po heton incidentin, por me siguri se Ukraina nuk e ka lansuar dronin drejt Kroacisë.

“Kroacia është miku ynë dhe kurrë nuk do ta bënim një gjë të tillë,” tha Reznikov