Skandali tek “Onkologjiku”, mjeku Edmond Gashi e “blenë” lirinë 20 mln lekë, GJKKO bllokon pasaportën

Gjykata e Posaçme për Korrupsion dhe Krimin e Organizuar, GJKKO, ka zbutur masën e sigurisë “arrest shtëpie” për mjekun Edmond Gashi në lidhje me skandalin tek “Onkologjiku”.

GJKKO vendosi lirimin e tij me garanci pasurore 20 mln lekë ndërsa i është bllokuar pasaporta për të mos i lejuar daljen e tij jashtë vendit, ndërkohë që procesi është vijon.

Ndryshe, Edmond Gashi dhe Alketa Ymeri, mjekë pranë Spitalit Onkologjik në QSUNT, Emiljano Lela, Koordinator, Brikena Qirjazi, Zv/Drejtoreshë në QSUNT e ngarkuar me detyra për shërbimin onkologjik, ishin ata që i organizuan dhe realizuan skemën korruptive duke përdorur detyrën e vetë dhe duke mos dhënë shërbimin e duhur në spitalin shtetëror por i orientonin pacientët në spitale private për të marrë këtë shërbim.

Finalizimi i operacionit “Kobalti” drejtuar nga Prokuroria e Rrethit Gjyqësor të Juridiksionit të Përgjithshëm Tiranë, pas një pune disa mujore ndaloi dhe Halil Gashi, i akuzuar për “Fshehje të të ardhurave”, Florian Markun, administrator i Flori Farma i akuzuar për “Tregtim dhe transportim të mallrave që janë kontrabandë” dhe “Ruajtja ose depozitimi i mallrave që janë kontrabande”, si dhe sekuestrimin e klinikës mjekësore “Megis”.

Në kuadër të këtij operacioni u ekzekutuan masat e sigurisë “detyrim paraqitje” dhe vetëm mjeku Edmond Gashi ishte me masën “arrest shtëpie”!