Shefi i shërbimi sekret rus kërcënon, Franca: S’kemi frikë!
Pas kërcënimit të Drejtorit të shërbimit sekret të jashtëm të Rusisë, Sergej Narishkin, se përpjekja e shteteve anëtare të NATO-s që të kryejnë sulme brenda tokës ruse nuk do të kalojnë të pandëshkuara, përgjigja e parë vjen nga Franca.
“Armiqtë tanë janë të detyruar të pranojnë se vendosmëria e presidentit rus për të mbrojtur interesat thelbësore të vendit me të gjitha mjetet që ka në dispozicion, ngushton hapësirën për manovrim të Washingtonit dhe Brukselit,” tha Sergej Narishkin për revistën National Defense duke fol dhe për ndëshkimet e mundshme.
“Përpjekjet e disa aleatëve të NATO-s për të marrë pjesë në sigurimin e sulmeve të mundshme me armë perëndimore në territorin rus, nuk do të mbeten pa u ndëshkuar”.
Por, ministri i Jashtëm i Francës, Jean-Noël Barrot, gjatë një interviste në televizionin francez, duke mos i dhënë rëndës doktrinës së re bërthamore që u miratua nga Vladimir Putin, ishte i prerë:
“Nuk jemi të frikësuar!”
Me ndryshimet e djeshme të doktrinës bërthamore u ul pragu rus për përdorimin e armës bërthamore. Ndryshim i rëndësishëm është që Rusia tani thotë se përgjigja bërthamore konsiderohet e arsyeshme nëse është e sulmuar nga agresioni i një pale jobërthamore e cila ndihmohet nga fuqia bërthamore.
Ndryshe, presidenti rus Vladimir Putin uli pragun për sulm bërthamor dhe porositi se Rusia mund të shqyrtoj përdorimin e armatimit bërthamor nëse sulmohet me raketa konvecionale me mbështetjen e fuqisë bërthamore.
Ukraina nga ana tjetër, dje ka sulmuar thellë në Rusi, me raketa amerikane ATACMS, pas miratimit nga ana e Presidentit të SHBA, Joe Biden.
