Mijëra emigrantëve që u është refuzuar azili, u jepen para të largohen nga Gjermania

Mijëra emigrantëve që u është refuzuar azili ose kanë pak gjasa që ta marrin, kanë marrë ndihmë financiare për largim vullnetar nga Gjermania gjatë këtij viti.

Deri në fund të muajit tetor, nga Gjermania janë larguar 8.263 persona që kanë marrë ndihmë financiare përmes programit të financuar nga qeveria federale dhe ajo shtetërore, sipas marrëveshjes së qeverisë gjermane, me kërkesën e deputetit të Bundestagut dhe anëtarit të partis së djathtë, Alternativa për Gjermaninë, AfD, Leif Erik Holma.

Programi, mbi 8.2 milionë euro

Përmes Programit të reintegrimit dhe emigrimit për kërkuesit e azilit në Gjermani – REAG/GARP, emigrantët e varfër mund të marrin para për biletë autobusi ose avioni, dhe ndihmë mjekësore.

Nga marrëveshja e qeverisë shihet se mjetet e miratuar për këtë progam kapin vlerën e mbi 8.2 milionë euro.

Aktualisht nuk mund të përcaktohet se cila është vlera që e kanë marrë përsipër qeveritë federale dhe shtetërore; Kjo, sepse Bashkimi Evropian në raste të caktuara mbulon shumicën e shpenzimeve të largimit, të emigrantëve ndërsa qeveritë federale dhe shtetërore duhet të mbulojnë vetëm 5 për qind të kostos.