Bonusi fundvitit për pensionistë, ministri i Ekonomisë: Shpërndarja, javën e dytë të dhjetorit!

Pas mbledhjes së Qeverisë, sot Ministri i Ekonomisë, Kulturës dhe Inovacionit, Blendi Gonxhe, ka bërë të ditur se është miratuar bonusi i fundivitit për pensionist prej 100-150 euro dhe pagesat do të nisin nga java e dytë e muajit dhjetor.

“Miratuam në qeveri bonusin e fundvitit, që është më i madhi ndonjëherë për 724.933 pensionistë. Nga të cilët 511.173 pensionistë me pension deri në 20 mijë lekë do të përfitojnë 150 euro bonus këtë fundvit dhe 213.7600 pensionistë që marrin pension mbi 20 mijë lekë do të përfitojmë 100 euro.

Theksoj se të gjithë pensionistët invalid, pensione familjare, fëmijë jetim, pavarësisht se sa pension marrin do të kenë bonus të plotë 15 mijë lekë, përfshihet në këtë bonus fundviti dhe një kategori tjetër që janë pensionet e parakohshme të ushtarakëve,” tha Ministri i Ekonomisë, Kulturës dhe Inovacionit, Blendi Gonxhe, duke për të ditur në fund dhe kohën se kur do të shpërndahet ky bonus i fundivitit.

“Pagesat do nisin nga java e dytë e dhjetorit me nisjen e procedurave zyrtare. Pagesat do bëhen si gjihtmonë në sportelet e ISSH.”