Albin Kurti në Zagreb, takim me Andreja Plenkoviç, firmosen disa marrëveshje

Pas nderimeve të larta shtetërore, Kryeministri i Kosovës, Albin Kurti, zhvilloi një takim me homologun kroat Andrej Plenkoviç, për të firmosur më pas marrëveshje për sigurimet sociale, njohje të ndërsjellë të patentë shoferëve, për bashkëpunim në mbrojtje nga fatkeqësitë natyrore, teknike dhe teknologjike, dhe bashkëpunim në fushën e mjekësisë ligjore.

Pas këtij takimi, Kryeministri Kurti do të marrë pjesë në hapjen e Forumit Ekonomik Kroaci-Kosovë, ku marrin pjesë 30 biznese nga Kosova.

Ndryshe, Kryeministri i Kosovës, Albin Kurti, do zhvilloi takime edhe me Presidentin e Republikës, Zoran Milanoviç, dhe Kryetarin e Parlamentit të Kroacisë, Goran Jadrokoviç.

Me përfundimin e vizitës zyrtare në Kroaci, Kryeministri i Kosovës, Albin Kurti, i shoqëruar nga ministri i Punëve të Brendshme, Xhelal Sveçla, ministrja e Industrisë, Ndërmarrësisë dhe Tregtisë, Rozeta Hajdari dhe ministri i Financave, Punës dhe Transfereve, Hekuran Murati, udhëton për në Slloveni..