Me rritjen e çmimit shqiptarët paguan 900 mln€, Berisha zotohet: Çmimi i energjisë do jetë 7 Lekë

Rritja e çmimit të energjisë u ka kushtuar shqiptarëve 900 milionë euro, tha sot Kryetari i Partisë Demokratike, Sali Berisha, ndërsa u zotua se me ardhjen në pushtet të PD, çmimet e energjisë do jenë 7 Lekë për 300 kilovatët e parë, 10 lekë për 400 kilovatët e tjerë dhe 100 lekë për të pasurit.

Sot, pas një jave me mashtrime të bujshme të Kryeministrit Edi Rama që kulmuan me “uljen historike të çmimit të energjisë elektrike” prezantoi dhe Paketën e PD për çmimin e energjisë.
“Siç është e njohur tashmë, në vitin 2013 ne kemi lënë 3 çmime për energjinë. Kemi lënë çmimin 77 lekë për 300 kilovatët e parë, çmim i cili mbulonte konsumin e mbi 78 përqind të familjeve shqiptare. Kemi lënë çmimin e dytë me 115 lekë kilovati, që mbulonte të tjerët që konsumonin më shumë. Për biznesin ne kemi pasur çmimin më të ulët në Europë, 60 lekë për kilovat/orë.
Ky çmim ishte plotësisht i përballueshëm, përputhej me qëndrimin e qeverisë ndaj mbështetjes të fuqishme të sektorit të biznesit dhe ishte një nga atraksionet e rëndësishme të investitorëve vendas dhe të huaj në Shqipëri.
Ndërkohë ne ndërmorëm projektin e shndërrimit të Shqipërisë në superfuqi të vogël rajonale të energjisë së rinovueshme, me të cilën PS u tall rëndom kushedi sa herë.

Edi Rama, pas marrëveshjes së tij korruptive me CEZ-in, kompani e cila fatura zyrtare të njohura nga auditi ndërkombëtar, kishte borxhe ndaj shqiptarëve 630 milionë euro. Dëme të krijuara indirekt ishin 3.2 miliardë euro. Edi Rama me famozin Fyle, iu kujtohet juve, la arbitrazhin, proces në të cilin ne kishim bindje absolute se e fitonim, dhe proces i cili do detyronte CEZ-in, të paktën ato me faturë, 630 milionë t’ia kthente shtetit shqiptar.
Edi Rama jo vetëm i dorëzoi këto 630 milionë, por pagoi nga buxheti i shtetit edhe 100 milionë euro shtesë CEZ-it.
Afera e Edi Ramës me CEZ-in është një nga aferat më të mëdha në historinë e korrupsionit evropian.
Pas kësaj marrëveshje famëzezë, Edi Rama rriti çmimin.
D.m.th fashon gjer në 300 euro e bëri 95 lekë, e rriti pra me rreth 20 e ca përqind dhe fashon tjetër e rriti me 118 lekë.
Me këtë rritje, Edi Rama plaçkiti shtresat në nevojë, që quhen ato që e merrnin me 77 lekë, me një shumë në vit prej 60 milionë eurosh dhe që në 10 vite bëhen 600 milionë euro,” tha Sali Berisha në konferencëne tij të përjvashme ku vendin qendror padyshim e mori çmimi i energjisë elektrike.

“Nuk është vetëm kaq. Është shumë më tepër. Në vitin 2023, në mënyrë paradoksale, antiligjore, Edi Rama merr nga buxheti i shtetit, me akt normativ, 200 milionë euro mbështetje buxheti për KESH-in dhe 80 milionë hua. I jep pra 280 milionë euro nga buxheti i shtetit.
Kështu që gjatë 10-vjeçarit, krahasuar me vitin 2013 e para, qytetarët shqiptarë paguan gjithsej rreth 900 milionë euro. Duhet të jesh ai që është ai vetë të thuash që nuk kam rritur çmimin e energjisë ndonjëherë.
Duhet të flasësh me mendjen e Lubisë që të thuash se kjo është ulja e parë e çmimit të energjisë në histori. Të mendosh më keq se ata që besonin se shqiptarët hanin bar. Ti e more me 77 lekë, e ngrite në 95 dhe zbrite në 85. Kjo është zbritje? Pra, e ka 10 lekë më shtrenjtë se sa ishte në vitin 2013.”

Por, ndryshe nga Edi Rama që në fillim të qeverisjes e mohoi fashën familjare dhe çmimit të energjisë dhe sot kur nuk e votojnë shqiptarët rikthen këtë në prag të zgjedhjeve, lideri i opozitës bënë zotimin që do të kenë në qeverinë demokratike me logjikën aty ku e la në vitin 2013 dhe arsyetimin se si çmimi i energjisë do jetë 7 lekë për 300 kilovatë, 10 lekë për 400 kilovatët e tjerë dhe 100 lekë për të pasurit.

“Ndërmarrja publike është e detyruar ta ulë çmimin e energjisë në proporcion me pakësimin e humbjeve.
Është e detyruar se energjia është çmim i rregulluar, nuk është çmim i lirë.
Investove, ule humbjet, këto do pasqyrohen në çmim, do ulësh çmimin dhe do e shesësh më lirë.
Këtu janë investuar miliarda, kështu që këta pretendojnë se humbjet janë reduktuar në mënyrë të ndjeshme dhe e uli për një vit. Se kjo është një ulje njëvjeçare.
Ulje tipike elektorale.
Një ulje absolutisht antiligjore, në shkelje të çdo kodi, në përpjekje për të grabitur vota.
Por, siç kisha paralajmëruar në mënyrë të përsëritur, PD ka planin e saj për çmimin e energjisë.
Ky projekt konsiston së pari, çmimin fillimisht 7 lekë për kilovat/orë për 300 kilovat/orët e para.
Çmimi i dytë 100 lekë për 400 kilovat/orët e tjera.
Mbi to do ketë një shkrim të tretë për konsumatorët familjarë. Për ata që jetojnë në lukse, i kanë të florinjta edhe tualetet, ata do njohin një çmim të tretë të paktën 1 mijë lekë kilovati.
Në këtë mënyrë, biznesi do zbresë aty ku ka qenë, 60 lekë kilovati,” tha Berisha duke shtuar se Shqipëria do qëndrojë me çmimet më të ulëta në Europë për energjinë dhe jo duke marrë ndikimin që pati gazi rus. “Ne nuk kemi të bëjmë me gazin fare. Asnjë kilovat/orë nuk prodhohet nga gazi. Strategjia jonë e shndërrimit në superfuqi rajonale të energjisë së rinovueshme është realizuar sot pothuajse plotësisht.
Hidrocentralet prodhojnë tashmë jo siç gënjen dhe mashtron Edi Rama se ne nuk plotësojmë nevojat me energji, por ata prodhojnë disa miliardë më shumë se nevojat e vendit.
Me këtë nuk përjashtoj ciklicitetin e motit, por në total prodhimi i energjisë nga hidrocentralet ka qenë 9 miliardë kilovat/orë, në një kohë kur konsumi është vetëm 7 miliardë kilovat/orë.
Por Edi Rama servir vetëm mashtrime,” tha ai duek shtuar:
“Ajo strategji e bëri Shqipërinë jo vetëm të vetëmjaftueshme, por edhe një eksportues të energjisë së rinovueshme në rajon.
Janë ndërtuar mbi 115 hidrocentrale, janë kontrata për ndërtimin e rreth 300 të tjerave.”

Lideri demokrat sërish iu rikthye mikro-hidrocentraleve ndërsa presmtoi se do lejohet çdo komunitet që burimin e ujit ta përdorë për të prodhuar energji falas:

“Qeveria e PD do të kalojë në projektin e saj të mikro-hidrocentraleve me të cilat do lejojë çdo komunitet që burimin e tij të ujit, të vendosin turbinën, të prodhojnë energjinë pa lek për komunitetin.
Praktikë kjo e ndjekur nga vendet që nuk kanë ujë dhe nuk kanë asnjë pikë ujë më shumë se Shqipëria.
Dhe do e ndjekim edhe ne këtë praktikë.
Ndërkohë që Shqipëria me TAP-in, projekt i qeverisë së PD, është në nyjën kryesore energjetike të rajonit.
Do punojë për realizimin e JAP, është gazsjellësi për të cilin ka një marrëveshje të vitit 2012 me BE dhe vendet e rajonit, gazsjellës që do furnizohet me gaz nga TAP-i dhe burime të tjera dhe do furnizojë gadishullin mbi Shqipërinë me gaz.
Pra politika jonë energjetike ishte një politikë e suksesshme.
Njeriu që ka në shpirt vetëm vrima të zeza dhe shpella dhe tunele, ai nuk mund të mos lëshojë mufka në çdo fjalim dhe krahasim që bën.
E thashë edhe njëherë, është e paimagjinueshme të dalë të thotë se unë vetëm për një vit.
Do i kenë të ulëta në këto çmime dhe do vazhdojnë të ulen edhe më shumë sepse kostoja e prodhimit është shumë e ulët.
Kaskada ka një kosto shumë të ulët të prodhimit dhe lejon edhe prodhimin me çmime edhe më të ulëta,” tha Berisha duke konstatuar se sot me uljen e humbjeve në rrjet, çmimi i energjisë duhej të ishte shumë më i ulët se tani.

“Në vitin 2013, çmimi ka qenë 77 lek për fashën 300 kilovat, ka qenë 60 lek për biznesin, pa kufi, të madh të vogël, të gjithë biznesin. Ka qenë 115 lek për fashën mbi 300 kilovat dhe humbjet në rrjet kanë qenë këto që thoni ju.
Nëqoftëse jemi të drejtë dhe marrim këto humbje që shpall Edi Rama dhe Lubia, humbje gjysëm për gjysëm më pak, çmimi sot duhej të ishte të paktën 65 lek për fashën 300 kilovat, po themi biznesi të mbetej tek 60 lek se është konsumator gjigant dhe fashoja tjetër duhej të ishte tek 95 lek, fashoja mbi 300 kilovat, sepse humbjet janë zbritur nga 35.5 në 18.93, pra pothuajse 100 për qind më të ulëta, janë përgjysmuar.
Në këtë kontekst kjo duhej detyrimisht të pasqyrohej në çmimin në çmimin e energjisë. Pse nuk pasqyrohet kjo, sepse kanë punësuar me qindra militantë dhe paguajnë profesorët e Harvardit. Vjedhin në mënyrë të tmerrshme me një fjalë, por kjo forcon tezën që unë shtrova.
Dhe një gjë. Po marrim tani dhe momentin e humbjes, s’kemi si mos e marrim. Në vitin 2013 ishte i privatizuar CEZ dhe për këto dështime u prish kontrata me CEZ-in. U prish kontrata sepse CEZ-i shkeli nen për nen këtë kontratë. Dhe ne ishim të sigurtë se CEZ-i duhej ti kthente. CEZ është kompani gjigante, është kompani Çeke, që me një peshë në atë kohë ka qenë e 5-ta në sistemin energjetik evropian.
Kështu që CEZ duhet të na kthente ne 630 mln euro, i kishte borxh shtetit, dhe kontrata u prish, pikërisht se nuk zbatoi kontratën edhe për humbjet. Humbjet në mos gaboj i mori 22% dhe humbjet u rritën progresist me CEZ-in.”

E pashmangshme në këtë konferencë javore ishte vota e Diasporës, për të cilën edhe sot Kryetari i Partisë Demokratike e bëri të qartë s ePD do e kërkojë dhe e ka kërkuar çështjen e koalicioneve parazgjedhore, por prioritet ka votën e Siasporës

Për takimet e shumta me diasporën në Greqi dhe Itali si dhe organizimin e Primareve ai sqaroi:

“Nuk kam përcaktuar akoma axhendën e takimit dhe as vendit. Por takimet po vazhdojnë. Ne në tërësi e bazojmë në shumësi takimesh. Për shembull janë zhvilluar një mori takimesh në Greqi, në Itali dhe ne në këtë formë do të shkojmë.

Nuk kemi ne buxhet për të kontraktuar salla 25-30 mijë eurosh. As të çojë bashkitë në krim elektoral të verbër, siç të bëri me Subashin e tij që është një kriminel elektoral i pakorrigjueshëm. Por po përdorim takime të shumta me shpenzime sa më të pakta,” tha Kryetari i Partisë Demokratike, Sali Berisha, ndërsa për Primaret ishte i prerë:
“Do të fillojnë shumë shpejt!”