Barduani-Loiseau, mbështetje për zgjedhje demokratike në Kosovë

Siguria, situata e stabilitetin rajonal dhe përpjekjet e EOM-it në mbështetje të zgjedhjeve transparente dhe demokratike në Kosovë, ishin temat e takimit të sotëm që Komandanti i misionit paqeruajtës të NATO-s në Kosovë, KFOR, gjeneralmajor Enrico Barduani, zhvilloi me shefen vëzhguese të Misionit të BE-së, Nathalie Loiseau.

“Diskutuan pikëpamjet për tema të ndryshme, duke përfshirë sigurinë e qëndrueshme në të gjithë Kosovën, situatën e stabilitetit rajonal dhe përpjekjet e vazhdueshme të EOM-it në mbështetjen e zgjedhjeve transparente dhe demokratike në Kosovë,” bënë të ditur KFOR përmes një njoftimi duke ku Gjeneralmajor Barduani nënvizoi angazhimin e vazhdueshëm të KFOR-it për të ofruar mjedis të sigurt për të gjithë njerëzit në Kosovë pavarësisht nga etnia, gjinia, feja apo përkatësia politike.

Me këtë rast KFOR-i zotohet se do të vazhdojë të zbatojë mandatin e tij për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë në rolet përkatëse si reagues të sigurisë.