Sot betohet Presidenti i 47-të i SHBA, Donald Trump

Demokracia jonë e qëndrueshme: Premtim kushtetues! Kështu u pagëzua ceremonia e inaugurimit të Presidentit të 47-të të Shteteve të Bashkuara, Donald Trump, ndërsa Komisioni i Inaugurimit ka sqaruar se kështu pranohet detyrimi që buron nga themeluesit kundrejt brezave të ardhshëm të amerikanëve në SHBA, ruajtja e vazhdimësisë dhe stabilitetit të sistemit tonë demokratik.

Ceremonia fillon rreth orës 11:30 sipas kohës lokale ndërsa Donald Trump pritet të betohet rreth mesditës. Komisioni i Inaugurimit tha se është zgjedhur në më mënyrë simbolike ora 11:47 meqë Trump është presidenti i 47-të amerikan.

Me betimin solemn, Presidenti Donald Trump fillon mandatin e tij të dytë.

Inaugurimi presidencial në sistemin politik amerikan është simbol i bartjes së kompetencave dhe autoritetit. Sot pushteti ekzekutiv kalon nga Biden në Administratën Trump.

Sipas Amendamentit 20-të të Kushtetutës së Amerikës mandati presidencial katërvjeçar përfundon mesditën e 20 Janarit, e mandati i presidentit të sapozgjedhur fillon menjëherë më pas. Për shkak të temperaturave shumë të ulëta që parashikohet të shkojnë nga -11 deri në -5 gradë, e gjithë ceremonia është parashikuar të zhvillohet në mjediset e brendshme të Capitolit.

Kohëzgjatja e ceremonisë së inaugurimit nuk është përcaktuar. Por, si ceremonia e Trumpit në vitin 2017 ashtu dhe ajo e Bidenit në vitin 2021 kanë zgjatur rreth një orë.

Sot do të performoj Universiteti i Nebraskës, grupi i marinës amerikane, tenori Christopher Mackie, ylli amerikan, Carrie Underwood dhe grupi Village People.

Zv/Presidenti i sapozgjedhur J.D. Vance është planifikuar të betohet përpara gjyqtarit të Gjykatës së Lartë, Brett Kavanaugh, i emëruar gjatë mandatit të parë të Donald Trump.

Presidenti i zgjedhur Donald Trump do ta bëjë betimin përpara Kryetarit të Gjykatës së Lartë, John Roberts.

Është njoftuar se një numër i konsiderueshëm zyrtarësh do të marrin pjesë në inaugurimin e presidentit të zgjedhur, si ish-presidentët Bill Clinton, George W. Bush, Barack Obama dhe presidenti në largim Joe Biden. Në ceremoni pritet të marrë pjesë edhe Zv/Presidentja në largim dhe kundërshtarja e mposhtur nga Trump, Kamala Harris.

Nga Zyrtarët e huaj pritet të marrin pjesë presidenti argjentinas Javier Miglio, kryeministrja italiane Giorgia Meloni dhe Zv/Presidenti kinez Han Zheng, i cili pritet të përfaqësojë presidentin Xi Jinping, i cili gjithashtu është ftuar në ceremoni.

Gjigantët botërorë të teknologjisë do të përfaqësohen nga Mark Zuckerberg, Elon Musk, Tim Cook, Sundar Pachai dhe mes të pranishmëve pritet të jetë edhe kreu i TikTok, Shou Chei, aplikacion ky që nuk është mbyllur pasi presidenti i sapozgjedhur mori një sinjal për një shtyrje të mundshme të ndalimit për një periudhë prej 90 ditësh.

Në kryeqytetin amerikan, masat e sigurisë u ngritën në nivelin më të lartë në ditët dhe javët e mëparshme për shkak të ceremonisë së inaugurimit dhe parakalimit, ku përfshihej edhe mbyllja e qendrës më të gjerë të qytetit. Megjithatë, vendimi për të zhvendosur ceremoninë qendrore, dhënien e betimit, brenda Capitolit, u mor gjithashtu për të zhvendosur parakalimin në një vend të mbyllur, Capital One Arena.

Në Capitol në sallën presidenciale Trump do të nënshkruajë rregulloret e para zbatuese të tij, të ashtuquajturat Executive Orders. Më pas ai do të inspektojë të ashtuquajturat “Pass in Review” trupat.

Mbyllja e ceremonisë së inagurimit bëhet me një meshë të shkurtër të martën e 21 janarit.

Pas inagurimit Donald dhe Melania Trump vendosen në Shtëpinë e Bardhë dhe qeveria nis punën. Pra, presidenti i ri do të ngrejë në fuqi urdhëresa të reja zbatimi dhe ashtu siç ka paralajmëruar, fillimin e shfuqizimit të marrëveshjeve që i ka kontestuar.