Pika që derdhi gotën, kandidati i CDU/CSU për Kancelar: Gjermania do mbyll kufijtë për emigrantët?

Pas sulmit në Aschaffenburg, politikanët kryesorë të Unionit Kristian Demokrat CDU/CSU po kërkojnë sot që t’i jepet fund politikës aktuale të migracionit dhe mbylljen praktike të kufijve për emigrantët.

“Uji ka vërshuar gotën. Ne po përballemi me mbeturinat e një politike të gabuar imigrimi dhe azili që ka zgjatur për dhjetë vjet,” tha kandidati për Kancelar i Unionit Kristian Demokrat, CDU/CSU, Friedrich Merz, pas sulmit në Aschaffenburg në të cilin u vranë dy persona, duke përfshirë një fëmijë dhe dyshohet se ishte një afgan.

“Rregullat e BE-së për azilin nuk po funksionojnë qartë”
Merz paralajmëroi se nëse bëhet Kancelar, se do të vendosë kontrolle në të gjithë kufijtë që nga dita e parë dhe do të parandalojë çdo përpjekje për të hyrë ilegalisht në vend.

“Kjo vlen edhe për ata që duan të kërkojnë mbrojtje në Gjermani,” tha Marz. Ai konfirmoi se rregullat e Bashkimit Evropian për azilin qartësisht nuk funksionojnë.

“Kjo është arsyeja pse Gjermania duhet të ushtrojë të drejtën e saj për të mbrojtur interesat kombëtare,” tha Kryetari i Unionit Kristian Demokrat Merz në një konferencë të jashtëzakonshme për shtyp.