Në Paris e Londër dhomat me 4 studentë! Edi Rama mburret se në Shqipëri s’ka më shumë se 2 studentë
Kur SPAK i arreston ministrat dhe kryebashkiakët nuk ka turp që qeverisë me hajdutë por mburret për efiçencën e Prokurorisë së Posaçme, dhe tashmë kur nuk ka më shumë se dy studentë për dhomë në konviktet e studentëve, Kryeministri Edi Rama mburret duke fol për standarde evropiane ndryshe nga ato në Londër dhe Paris ku në dhoma ka edhe nga katër studentë.
“Gjërat nuk arrihen sa hap e mbyll sytë, jo si komentet në FB apo fjalët në televizor që nuk kanë nevojë për kohë e nuk reflektojnë asnjë mendim të thelluar, por duan kohën e tyre. E bëmë me shpejtësi një rehabilitim të një numri godinash.
Duhet të ofrojmë kushte maksimale me kushtet më të mira në krahasim me kushtet e studentëve në BE. Është një konvikt që do të qëndronte në kategorinë A të çdo vendi në BE. Ka konvikte edhe në Paris e Londër që janë 4 vetë në një dhomë. Këtu çdo dhomë ka dushin e vet,” tha sot Kryeministri Edi Rama në përurimin e godinave 16 dhe 17 të konvikteve në Qytetin Studenti në Tiranë, ku pavarësisht kushteve bashkëkohore në dhomat e studentëve nuk ka studentë në Shqipërinë e shpopulluar nga po ky njeri që dushin e konsideron luks!
“Kjo është një ambicie që me mundësive që rrisim çdo vit falë rritjes së ekonomisë, të bëjmë gjëra që i qëndrojnë për një periudhë të gjatë kohës, jo gjëra për sot e nesër. Ndërkohë po në këtë qytet po ngrihet edhe Kolegji i Europës. Shqipëria është një histori suksesi, për të ardhur keq që për ata që nuk duan qeverinë, mohojnë faktin që Shqipëria që është vendi i përbashkët i të gjithëve pavarësisht nëse janë jo me qeverinë, është një histori suksesi,” tha Edi Rama për të sqaruar edhe gjithë ata shqiptarë që gjithë fundjavë e kaluan pa e marrë veten nga idiotët e petaleve që flasin me gjuhën e rinisë fashiste.
Ndryshe, në këtë përurim të godinave 16 dhe 17, në shoqëri të Kryeministrit Edi Rama, përveç ministres Arsimit dhe Sportit, Ogerta Manastirliut, u pa dhe petalja e lule së vyshkur socialiste nga krimi dhe korrupsioni, Kryetari i Bashkisë së Tiranës, Erion Veliaj.
