Greqia shpall gjendjen e jashtëzakonshme në Santorini
Greqia ka shpallur gjendjen e jashtëzakonshme për ishullin e Santorinit, i cili ishte një pikë e nxehtë për aktivitetin sizmik në jug të Detit Egje që nga 1 shkurti.
Gjendja e jashtëzakonshme do të qëndrojë në fuqi deri më 3 mars, njoftoi Ministria Greke e Krizave Klimatike dhe Mbrojtjes Civile.
Ndërkohë, aktiviteti sizmik vijon në zonën detare mes ishujve Santorini dhe Amorgos me të njëjtin intensitet si ditët e mëparshme, raporton televizioni publik grek ERT.
Disa zona në Santorini janë rrethuar për shkak të rrezikut të rrëshqitjeve të dheut.
ERT tha se një ekip inxhinierësh nga Athina kishte mbërritur në ishull për të inspektuar ndërtesat publike dhe objektet shkollore.
Në përputhje me zhvillimin e ngjarjeve, gjeologu grek Efthymios Lekkas beson se mundësia e një tërmeti të madh me magnitudë gjashtë ballë të shkallës Rihter është në rënie.
“Skenari më i mundshëm, megjithatë, është që aktiviteti sizmik të vazhdojë për disa ditë apo javë me të njëjtin intensitet, të njëjtin ritëm, pra me shumë tërmete,” tha Efthymios Lekkas.
