Arrestohet Erion Veliaj, GJKKO vendos “detyrim paraqitje” për 5 biznesmenë

GJKKO përveç se ka vendosur “arrest me burg” për Kryetarin e Bashkisë Tiranë, Erion Veliaj, ka dhënë masa edhe për bashkëpunëtorë të tij.

GJKKO mësohet se ka dhënë “detyrim paraqitje” për pesë biznesmenët: Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha. Dyshohet se biznesmenët kanë marrë tendera të dyshimtë pranë Bashkisë Tiranë.

Ndërkohë, GJKKO ka caktuar masën e sigurisë “arrest shtëpie” për bashkëshorten e Erion Veliajt, Ajola Xoxa.

Ndryshe, më herët SPAK ka njoftuar se Kryetari i Bashkisë Tiranë, Erion Veliaj, dyshohet se ka konsumuar katër vepra penale: Korrupsion pasiv i funksionarëve të lartë shtetërore ose i të zgjedhurve vendorë; Korrupsion aktiv i funksionarëve të lartë shtetërorë ose të zgjedhurve vendorë; Pastrimi i produkteve të veprës penale ose veprimtarisë kriminale; Dhe, refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim.