Ambasadori Gonzato: BE do vijojë të mbështes SPAK dhe Reformën në Drejtësi!

Ambasadori i Bashkimit Europian në Shqipëri, Silvio Gonzato, sot konfirmoi angazhimin e vazhdueshëm të BE-së për mbështetje ndaj SPAK dhe Reformës në Drejtësi.

Duke nënvizuar rëndësinë e besimit në arkitekturën e Reformës, Ambasadori Gonzato theksoi se pavarësia dhe llogaridhënia janë elementë të domosdoshëm për një shoqëri demokratike.

“Do vazhdojmë punën me SPAK dhe me drejtësinë. Duhet të kemi besim tek arkitektura e Reformës në Drejtësi. Llogaridhënia dhe pavarësia qëndrojnë në thelb të çdo shoqërie demokratike.

Pavarësia duhet që të drejtpeshohet, si p.sh. rishikimi i pavarësisë. Të gjithë aktorët kanë rolin e tyre për të luajtur. Kemi parë rezultate në luftimin e krimit e organizuar, atë kibernetik dhe financiar,” tha Ambasadori i BE në Shqipëri, Silvio Gonzato, duke përfunduar:

“Do vazhdojmë t’i japim mbështetje Reformës në Drejtësi!”