Gjyqi për vrasjen e boksierit shqiptar Besar Nimani, të shtëna me armë zjarri jashtë gjykatës, dy të plagosur

Sot në Gjykatën e Bielefeldit në Gjermani nisi gjyqi për vrasjen e boksierit shqiptar, Besar Nimani (38 vjeç) por në momentin që filloi seanca, jashtë u dëgjuan të shtëna me armë zjarri.

Krismat erdhën nga një automjet në lëvizje, raporton BILD.

Mësohet se në shënjestër ishin babai dhe vëllai i autorit të vrasjes së Nimamit. I pari ka marrë një plumb në mushkëri dhe sipas autoriteteve ndodhet në gjendje kritike për jetën, ndërsa tjetri u qëllua në këmbë. Ndërkohë, dyshohet edhe për një të plagosur të tretë.

Policia gjermane arrestoi autorin e të shtënave, ndërsa besohet se ai ka patur edhe bashkëpunëtor i cili ndodhet në kërkim.

Autori i dyshuar i krimit, Hüseyin Akkurt (38 vjeç), i cili u arrestua në Bruksel në muajin korrik, është në gjyq. Ndërsa një i dyshuar i dytë është ende në arrati.