Më në fund e tha një të vërtetë, Edi Rama: Nuk ka parti që mund të bëjë 1/100 e asaj që bëjmë Ne!
“Nuk ka parti që mund të bëjë 1/100 e asaj që bëjmë Ne sepse nuk mjafton të mbash një altoparlant dhe të protestosh për gjysmë të vërteta që në thelb janë gënjeshtrat më të mëdha për të marrë përgjegjësi qeverisëse,” tha sot para Grupit Parlamentar të Partisë Socialiste, Kryetari i PS dhe Kryeministri aktual Edi Rama duke e thënë një të vërtetë që nuk e lidhë këtë parti dhe liderin e saj vetëm me qeverisjen e tij 12 vjeçare por dhe periudhën në prag të marrjes së pushtetit!
Sot, Edi Rama përveç retorikës së tij biologjike thekson mundësinë që marrëdhëniet e Shqipërisë me Bashkimin Evropian të kalojnë në një fazë tjetër, ku BE mund të kërkojë më shumë përparim nga vendi, por harron se para ardhjes në pushtet kërkonte vetëm Këshillin Bashkiak të Fierit që Rama si lider i opozit e bllokoi për tre vjet të formohet.
Sa i përket NATO-s sot ai bëhet edhe qesharak, dhe është po ky Edi Rama që si lider i opozitës deklaronte se kjo Aleancë nuk jep bukë ndërsa sot thotë se siguria jonë e brendshme është e pa lëkundur ndonëse , vetëm sipas tij, opozita aktuale është kundër.
“Në këto zgjedhje duhet t’i japim shqiptarëve partinë më të vjetër në eksperiencë dhe më të renë në energji, nuk ka parti që mund të bëjë 1/100 e asaj që bëjmë ne sepse nuk mjafton të mbash një altoparlant dhe të protestosh për gjysmë të vërteta që në thelb janë gënjeshtrat më të mëdha për të marrë përgjegjësi qeverisëse.
Sot them çfarë kurajojë e paimagjinueshme të jesh pa eksperiencë e të duash të udhëheqësh vendin, kur kujtoj veten time para shumë vitesh. Sot kemi eksperiencë, kapacitet për t’i dhënë shqiptarëve mundësinë të zgjedhin një parti të re, më të renë e të gjitha të rejave që ndodhen në territor. Duke votuar një parti tjetër sikur të bjerë zari 3 herë te 60a mund të kapësh një deputet të ri. Duke votuar PS mund të përfaqësohesh nga deputetë të rinj,” tha Edi Rama duke krahasuar integrimin e Shqipërisë me atë të Malit të Zi duke harruar se kur ai bllokonte formimin e Këshillit Bashkiak të Fierit që ishte dhe kushti kryesor për “Qeverinë Berisha” ajo në Podgoricë ecte përpara.
“Situata edhe vetë rëndësia dhe konteksti i këtyre zgjedhjeve është shumë i pazakontë. Mundësia që marrëdhëniet tona me BE dhe e anasjelltas të kthehen sërish në: i keni bërë përparimet por duhet të bëni akoma, dhe që KE të kërkojë të hapë dyert e të dalin shtetet që pengojnë procesin, është një mundësi që nuk është përjashtuar.
Përkundrazi, sot për sot është re lënë mënjanë sepse interesi i BE për t’u forcuar në të gjitha drejtimet e për të parë procesin e zgjerimit si një nga drejtimet e forcimit të vet është më i madh ese çdo gjë tjetër. Këtu është edhe përputhja e rrethanave të brendshme tona dhe BE, dhe kjo është dritarja që nuk do të lejojmë të humbet si mundësi. Kemi dakordësuar më BE një kalendar negociatash që është i paprecedentë në proceset negociuese të BE me një vend kandidat. Shpejtësia me të cilën kemi përparuar në hapjen e kapitujve është e paprecedentë, askush nuk ka ecur me këtë shpejtësi,” tha Kryeministri Rama duke ndaluar dhe tek situata gjeopolitike, NATO dhe BE.
“NATO, lëkundje e madhe tektonike në një botë ku është hapur shtegu për paqe mes Rusisë dhe Ukrainës dhe ku është vënë në lëvizje të jashtëzakonshme e gjithë gjeopolitika botërore. Ne jemi shumë të vegjël, për të vendosur, por fati ynë dhe interesi ynë është shumë i madh për t’u lënë në drejtim të paditur,” tha njeriu që kundërshtonte anëtarësimin e Shqipërisë në NATO dhe sot drejton vendin, duke përfunduar:
“Në këto momente qoftë sa i përket BE he NATO-s, zëri dhe prania jonë, dhe siguria jonë e brendshme pra pozicioni i vendosur stabël e i pa lëkundur nga kua kuatë që nuk jehojnë dot jashtë perimetrit të kënetës, është themelor.”
