Rritet inflacioni i ushqimeve, ulet ai i qirave dhe veshjeve

Inflacioni vjetor qëndroi i pandryshuar në nivelin 1.9 për qind në muajin shkurt, ndërsa vazhdon të jetë në rënie krahasuar me nivelin prej 2.6 për qind të një viti më parë.
Të dhënat e INSTAT tregojnë se, megjithatë, ecuria e inflacionit shfaq tendenca të kundërta për grupe të ndryshme të mallrave dhe shërbimeve.
Inflacioni i produkteve ushqimore shfaqi përsëri rritje gjatë muajit shkurt dhe arriti në 2.8 për qind, nga 2.6 për qind që kishte qenë për janarin. Inflacioni i grupit “Ushqime dhe pije joalkoolike” madje është lehtësisht më i lartë edhe krahasuar me një vit më parë, kur ishte në nivelin 2.7 për qind.
Inflacioni i produkteve ushqimore ngelet shtysa kryesore e presioneve inflacioniste në ekonomi dhe kontribuoi me afërsisht një pikë përqindje, kundrejt inflacionit total prej 1.9 për qind.
Rritje të mëtejshme shënoi edhe inflacioni i grupit “Pije alkoolike dhe duhan”, në 4.5 për qind, nga 3.9 për qind që ishte për janarin dhe 3.7 për qind që ishte një vit më parë. Ky grup kontribuoi me më shumë se 0.2 pikë përqindje në inflacionin total gjatë muajit shkurt.
Rritje të mëtejshme të inflacioni shënoi edhe grupi “Argëtim dhe kulturë”, që arriti në 6.5 për qind, nga 5.7 për qind në janar dhe 4.9 për qind që kishte qenë një vit më parë.
Inflacioni i grupit “Transporti” qëndron në vlera negative, kryesisht falë rënies së çmimeve të karburanteve, por me një tendencë në rritje në 2.2 për qind, nga niveli 2.5 për qind i janarit.
Sidoqoftë, inflacioni këtij grupi ngelet në rënie nga niveli 1.9 për qind i një viti më parë dhe ngelet një ndër kontribuesit kryesorë në uljen e inflacionit në ekonomi.
Balancimi i inflacionit në nivelin 1.9% gjatë shkurtit erdhi sidomos falë tendencës rënëse të grupeve “Veshje dhe këpucë”, “Qira, ujë, lëndë djegëse, energji” dhe “Mobile, pajisje shtëpie dhe mirëmbajtje e shtëpisë”.
Inflacioni për grupin “Veshje dhe këpucë” ra në 2.8 për qind, nga 3.3 për qind që kishte qenë për janarin
dhe 3.4 për qind që kishte qenë një vit më parë.
Inflacioni për grupin “Qira, ujë, lëndë djegëse, energji” ra në 0.4 për qind, nga 0.9 për qind që ishte për
janarin dhe 2.4 për qind që kishte qenë një vit më parë.
Inflacioni i grupit “Mobile, pajisje shtëpie dhe mirëmbajtje e shtëpisë” ra në 3.6 për qind, nga 3.9 për qind
që ishte për janarin dhe 4.7 për qind që kishte qenë në shkurtin e vitit të kaluar.
Statistikat tregojnë që, megjithëse në terma mesatarë inflacioni është i qëndrueshëm dhe poshtë objektivit të Bankës së Shqipërisë ecuria e grupeve të ndryshme shfaq tendenca poshtë objektivit të Bankës së Shqipërisë, ecuria e grupeve të ndryshme shfaq tendenca të kundërta dhe luhatshmëri.
Banka Qendrore parashikon që gjatë vitit 2025 inflacioni të rritet lehtë drejt objektivit prej 3 për qind, i ndikuar nga normat më të ulëta të interesit dhe nga një zbutje e mbiçmimit të lekut në kursin e këmbimit valutor./Monitor/