Misioni i Gjykatës Speciale vazhdon, prehu në paqe Haxhi Thaçi!
Sot në ora 15:00 do të zhvillohet ceremonia e varrimit të babait të Ish-Presidentit të Kosovës, Hashim Thaçi, në varrezat e reja të fshatit Burojë pa praninë e të birit.
Ishte ky vendimi i Gjykatës Speciale në Hagë që irritoi të gjithë qytetarët e Kosovës por më të zëshmit ishin batonë, buzhalë e ramë, pikërisht ata që ishin më të zëshmit edhe për t’u themeluar kjo Gjykatë e pakuptimtë, kur dhe ushtruan presionin më të absurd mbi Hashim Thaçin, në atë kohë Kryeministër!
Nuk dihet nëse sot Ish-Kryeministri Hashim Thaçi do të ishte prezent në ceremoninë e varrimit të babait të tij sikur të reagonte që në vitin 2010 kur u shfaq rrëfenja serbe për “Shtëpinë e Verdhë” dhe trafikun e organeve nga UÇK, as kur ky makabritet serb u fokusua në fshatin Gurrë të Matit, e trajtoi UNMIK-u dhe më pas edhe kur krimineli Dick Marty u autorizua nga Këshilli i Evropës dhe hartoi një raport që çoi në krijimin e kësaj Gjykate Speciale, por, është e sigurt se sot Ish-Presidenti i Kosovës nuk do të ndalohej të marrë pjesë nga një gjykatë që është vërtetë nën juridiksionin e Kosovës, paguhet me paratë e taksapaguesve kosovarë për të denigruar po këta qytetarë, sepse e ndalon Ligji!
Dhe, deri sa dëgjojmë batonë, buzhalë e ramë, e tashmë edhe grenell duke u irrituar, shqiptarët në Kosovës duhe të mjaftohen me Ligjin i cili thotë qartë bazuar në Nenin 63 të UDHËZIMIT ADMINISTRATIV MD – NR. 10/20231 PËR RENDIN SHTËPIAK NË INSTITUCIONET KORREKTUESE:
Neni 63
Pushim për raste të jashtëzakonshme
1.Të dënuarit mund t’i jepet pushim i jashtëzakonshëm në rast të sëmundjes së rëndë, ose
rrezikut të drejtpërdrejtë të vdekjes, apo të vdekjes së një anëtari të familjes.
2. Përjashtimisht nga paragrafi 1 i këtij neni pushimi i jashtëzakonshëm mund të jepet për raste
të rënda personale ose familjare;
3. Për realizimin e pushimit të jashtëzakonshëm në rast të sëmundjes nga familjarët duhet të
sillet një (1) dëshmi nga tre (3) profesionistë mjekësore.
4. Pushimi për raste të jashtëzakonshme nuk duhet të jetë më shumë se shtatë (7) ditë brenda
një viti.
5. Drejtori i institucionit korrektues mund të lejoj një pushim të shkurtër me përcjellës të
dënuarit, i cili nuk është shfrytëzues i pushimit në shtëpi. Kohëzgjatja e kësaj përcjellje jashtë
institucionit korrektues nuk mund të zgjasë më shumë se gjashtë (6) orë në rast të vdekjes së
anëtarit të ngushtë të familjes apo sëmundjes së rëndë të anëtarit të ngushtë në familje.
Pse nuk respekton ligjet e Kosovës Gjykata Speciale në Hagë e cila është nën juridiksionin e Kosovës dhe paguhet me paratë e taksapaguesve kosovarë, kjo nuk është pyetje sepse kjo Gjykatë Speciale duhet të pushonte së ekzistuari në momentet kur nuk u konfirmuan akuzat makabre serbe dhe të asqerit të tyre zviceranë Dick Marty, për trafikun e organeve nga UÇK-së.
Pse heshtin institucionet dhe qytetarët e Kosovës, kjo është pyetja që duhet të bëhet dhe të ndërgjegjësoj të gjithë ata shqiptarë që iu bindën urdhërave të liderëve partiak për themelimin e kësaj Gjykate, dhe na përbuzën dhe na akuzuan neve një grusht njerëzish që ishim kundër themelimit të kësaj Gjykate Speciale të pakumptimtë!
Sot, shqiptarët e Kosovës i japin lamtumirën e fundit, babait të Ish-Presidentit të tyre ndërsa Komuna e Skenderajt u kujdes për ceremoninë e varrimit të babait të ish-presidentit Hashim Thaçi.
Dita do të nisë me homazhe nga ora 09:00 deri në ora 12:00 në palestrën “Ilaz Kodra” në Skenderaj.
Nga ora 12:00 do të mbahet mbledhje komemorative, po ashtu në palestrën “Ilaz Kodra”.
Në orën 15:00 do të zhvillohet ceremonia e varrimit të babait të ish-presidentit Hashim Thaçi, Haxhi Thaçi, në varrezat e reja të fshatit Burojë të Skenderajt.
Ndërsa njeriut që ka bërë aq shumë për këtë Kosovë dhe ndahet nga ajo pa praninë e të birit, dhe si shqiptarë që jemi dhe i takojmë një kombi ku bëjnë pjesë edhe batonë, buzhalë e ramë, nuk na mbetet tjetër përveç se ti japim një lamtumirë shumë të thatë:
Prehu në paqe, Haxhi Thaçi!
