Parlamenti i Serbisë konstaton dorëheqjen e Kryeministrit, 30 ditë afat për formimin e qeverisë re

Parlamenti i Serbisë konstatoi dorëheqjen e Kryeministrit Milosh Vuçeviç.

Kryetarja e Parlamentit të Serbisë, Ana Bërnabiç, tha se afati për formimin e qeverisë së re fillon nesër më 20 mars dhe sipas ligjit ajo duhet të formohet deri mesnatën e 18 Prillit. Nëse kjo nuk ndodhë, Presidenti i Republikës shpërbënë parlamentin dhe shpall zgjedhjet parlamentare.

Ndryshe, Vuçeviç dha dorëheqje të parevokueshme më 28 janar, pasi në Novi Sad u ushtrua dhunë nga aktivistët e partisë në pushtet, SNS ndaj studentëve që po protestonin para selisë së kësaj partie, pas tragjedisë në stacionin e trenit ku humbën jetën 15 persona.

Qeveria e Milosh Vuçeviçit u miratua nga Parlamenti i Serbisë më 2 Maj të vitit 2024.