Në shtetin anëtar të NATO-s, serverat e komunikimit telefonik të ONE në duart e krimit

Kur Albetelcom iu shit një kompanie hungareze që nuk kishte lidhje me telefoni aq më shumë telefoni celulare, askush nuk e mendoi se truri i komunikimit në duart e ONE do të përfundojë në duart e krimit!

Por, në Shqipërinë e Edi Ramës gjithçka është e mundur, pavarësisht se i gjithë sulmi i personave të maskuar në dhomat e serverave të kompanisë po mundohet t’i faturohet Lali Erit, dhe nga ana tjetër procedohen rojet e kompanisë së sigurisë në ONE, që rastësia bëri të jenë dhe natën e 25 dhjetorit 2024 në punë, kur morën dhe urdhërin që të lejojnë ca tip me leva ti telendisin serverat ashtu siç e don Partia!

Kur është fjala te Siguria, nuk duhet shpërfillur faktin se në Ukrainë vazhdon lufta përkundër përpjekjeve të Presidentit amerikan Trump për paqe, ndërsa ONE vjen nga një shtet Kryeministri i të cilit është mik me shkaktarin e kësaj lufte, Vladimir Putin, dhe është një kompani telefonike në një shtet anëtar të NATO-s, Shqipërisë!

E gjithë çështja mund të relativizohet në kontrollin e komunikimeve të Lali Erit me celular, por njohësit e komunikimit e dinë se përveç telefonisë celulare, kjo kompani kontrollon dhe linjën ndërkombëtare të fibrës optike që kalon nëpër Shqipëri, që asqerët e Lalit përkundër spaletave që i dha SPAK-u për krim intelektual, janë ca ordinerë që vetëm euro dinë të numërojnë!

Ndëkohë Policia e Edi Ramës që kontrollohet nga Sigurimi i Shtetit dhe nuk e ka as idenë e komunikimit të autoriteteve shqiptare me Komandën e NATO-s në Napoli, pas publikimit në rrjetet sociale të pamjeve nga kamerat e sigurisë ku shihen personat e maskuar që futen te serverat në mbrëmjen e 25 dhjetorit 2024, lëshon sot një Njoftim sikur u thye me leva një kioskë me cigare dhe u proceduan shtatë punonjës dhe një drejtues departamenti i kompanisë telefonike për mos kallëzim krimi.

“Nga hetimet paraprake rezultoi se rreth orës 02:30 të datës 25 dhjetor, dy shtetas të maskuar kanë hyrë në ambientet e kësaj kompanie, duke dëmtuar drynin e derës së pasme. Ngjarja është konstatuar nga punonjësi i sigurisë së brendshme i kësaj kompanie, i cili ka pohuar se nuk janë marrë sende dhe nuk janë shkaktuar dëme materiale,” thekson Policia e shtetit të Edi Ramës duke shtuar se punonjësi në fjalë nuk ka njoftuar organet ligjzbatuese, por dyshohet se ka njoftuar vetëm drejtuesin teknik dhe punonjësit e grupit të shoqërisë private të sigurisë fizike që kishte në ruajtje ambientet e kompanisë. Po ashtu, është konstatuar se edhe përfaqësues të kompanisë telefonike kanë qenë në dijeni të ngjarjes, por nuk e kanë kallëzuar atë në organet kompetente.

Policia e Shtetit të Edi Ramës ende nuk i dinë arsyet pse njerëz të maskuar u futën te serverat dhe “nuk morën asgjë”, por, përveç Lai Erit që punësoi vëllain në këtë kompani telefonike, pronarët e kompanisë ONE, Kryeministri i Hungarisë, Viktor Orban dhe Presidenti i Rusisë, Vladimir Putin, janë shumë të qartë!

Njoftimi:

Shërbimet e Komisariatit të Policisë Nr. 3, në bashkëpunim me strukturat hetimore të DVP Tiranë, pas marrjes së informacionit për një ngjarje të ndodhur dhe të paraportuar, kanë kryer veprime verifikuese dhe hetimore, të cilat çuan në konstatimin e kësaj ngjarjeje, e ndodhur më datë 25.12.2024, në ambientet e një kompanie telefonike, në zonën e Laprakës.

Nga hetimet paraprake rezultoi se rreth orës 02:30 të datës 25 dhjetor, dy shtetas të maskuar kanë hyrë në ambientet e kësaj kompanie, duke dëmtuar drynin e derës së pasme.

Ngjarja është konstatuar nga punonjësi i sigurisë së brendshme i kësaj kompanie, shtetasi G. K, i cili, në deklarimin e tij, ka pohuar se nuk janë marrë sende dhe nuk janë shkaktuar dëme materiale.

Punonjësi në fjalë nuk ka njoftuar organet ligjzbatuese, por dyshohet se ka njoftuar vetëm drejtuesin teknik dhe punonjësit e grupit të shoqërisë private të sigurisë fizike që kishte në ruajtje ambientet e kompanisë. Po ashtu, është konstatuar se edhe përfaqësues të kompanisë telefonike kanë qenë në dijeni të ngjarjes, por nuk e kanë kallëzuar atë në organet kompetente.

Në përfundim të veprimeve procedurale, Komisariati i Policisë Nr. 3 referoi materialet në Prokurori ku filloi procedimi penal për veprat “Moskallëzimi i krimit” dhe “Veprime që pengojnë zbulimin e së vërtetës”, ndaj:

• 2 punonjësve të sigurisë së brendshme të kompanisë, shtetasve G. K., 50 vjeç dhe A. F., 31 vjeç, si dhe drejtuesit të departamentit të zyrave dhe pasurisë të kësaj kompanie telefonike, shtetasit E. S., 38 vjeç.

Po ashtu nisi procedimi penal për veprën “Moskallëzimi i krimit” ndaj:

• drejtuesit teknik dhe 4 punonjësve të grupit të shoqërisë private të sigurisë fizike që kishte në ruajtje ambientet e kompanisë, shtetasve A. Z., 54 vjeç, G. S., 40 vjeç, K. V., 63 vjeç, M. D., 55 vjeç; dhe I. T., 62 vjeç.

Hetimet, në drejtimin e Prokurorisë, vijojnë për identifikimin e autorëve dhe zbardhjen e plotë të rrethanave të ngjarjes, si dhe për të verifikuar nëse janë përmbushur detyrimet ligjore dhe kontraktuale nga shoqëria private e sigurisë fizike që kishte në ruajtje ambientet e kompanisë.

Veprimet procedurale iu referuan Prokurorisë, për veprime të mëtejshme.