Dosja “Erion Veliaj”, biznesmeni Gentian Sula në SPAK

Biznesmeni Gentian Sula, i cili është nën hetim për dosjen “Erion Veliaj”, është paraqitur sot në SPAK për të zbatuar masën e sigurisë “detyrim paraqitje”.

Gentian Sula është një nga biznesmenët e përfshirë në hetimet për dosjen e Kryetarit të Bashkisë Tiranë, Erion Veliaj, ku dyshohet se ka përfituar tendera nga Bashkia Tiranë në mënyrë të paligjshme.

Pas hetimeve, SPAK  thotë se ka grumbulluar prova që çojnë në konkluzionin se ekziston dyshimi i arsyeshëm se biznesmenët ndaj të cilëve janë caktuar masa sigurie, duke përfshirë Gentian Sulën, kanë kryer veprime të kundërligjshme, duke konsumuar elementët e veprës penale “Korrupsioni aktiv i funksionarëve të lartë shtetërorë ose të zgjedhurve vendorë”.