Paralajmërim për qytetarët, Banka Qendrore e Holandës: Mbani disa para në shtëpi!

Familjet duhet të kenë para të mjaftueshme xhepi për të paktën tre ditë në rast emergjence, paralajmëroi Banka Qendrore e Holandës, raporton Politico.

Qytetarët këshillohen të mbajnë 70 euro për të rritur dhe 30 euro për fëmijë para të gatshme në një vend të sigurt në rast se sistemet elektronike të pagesave ndalojnë së funksionuari. Si një nga arsyet për këtë këshillë, Banka thekson kërcënimin nga sulmet kibernetike, i cili po rritet në situatën gjithnjë e më të tensionuar gjeopolitike.

KE rekomandoi qytetarët të kenë në shtëpi ushqim për të paktën tre ditë

Në muajin prill, një ndërprerje e energjisë elektrike në Spanjë dhe Portugali shkaktoi probleme serioze, por afatshkurtra, me sistemet e pagesave. Sipas rekomandimit të Bankës, sasia e parave të gatshme që njerëzit duhet të kenë në shtëpi duhet të jetë e mjaftueshme për të mbuluar “shpenzimet minimale bazë për tre ditë, siç janë uji, ushqimi, ilaçet dhe transporti”.

Banka Qendrore e Holandës ka gjithashtu rekomandime për tregtarët: Ata duhet të kenë gati metoda alternative pagese, të tilla si skanimi i kodeve QR, në rast se arkat dhe sistemet e kartave dështojnë.

Në muajin mars, Komisioni Evropian publikoi një plan gatishmërie duke rekomanduar që qytetarët të kenë në shtëpi ushqim për të paktën tre ditë, për të siguruar nevojat themelore në rast lufte ose fatkeqësie natyrore.