Në vitin elektoral, Berisha: Edi Rama dha leje për 29.300 hektarë kanabis me vlerë 10 miliardë euro

Ligji i miratuar nga qeveria lejon, autorizon mbjelljen e 200 hektarëve në mbarë vendin, por në vitin elektoral, kjo sipërfaqe u shumëfishua dhjetëra herë, qindra herë, tha sot Kryetari i Partisë Demokratike, Sali Berisha, duke denoncuar me prova dhe fakte se si Edi Rama bleu vota në zgjedhjet e 11 majit duke kanabizuar Shqipërinë.

“Pra, në vit elektoral Edi Rama rrethoi Shqipërinë në të katër anët e saj, dhe në thellësi, me plantacione droge, vlera e të cilave është kolosale po të kemi parasysh se në 28 mijë hektarë mund të mbillen dhjetëra milionë rrënjë kanabis, të cilat shkojnë në një vlerë të paktën 10 miliardë euro,” tha Sali Berisha duke fol për bimë të mbjella me certifikatë shteti

“Në qoftë se shumëzoni 29.400 hektarë me 5 mijë bimë, imagjinoni pra se ku shkon kjo shifër. Shkon mbi miliard e 300 mijë. Shkon në mbjelljen më të madhe që mund të jetë regjistruar ndonjëherë në një vend. Dhe që të gjitha këtu, tashmë jo bimë klandestine, por bimë të mbjella me certifikatë shteti, me leje të narkoshtetit. Kjo është katastrofa më e madhe dhe me këtë akt, Edi Rama nga veriu në jug, lindja në perëndim, bleu qindra mijëra vota,” tha Kryetari i Partisë Demokratike, Sali Berisha, duke vënë në dukje se nuk ka ndodhur kurrë që të autorizohet, të shkelet me 140 herë sipërfaqja e parashikuar me ligjin, siç ka ndodhur në këto zgjedhje ndërsa përfundoi:

“Ky vendim dhe kjo praktikë, sikur të mos kishte asnjë faktor tjetër, kanabizon tërësisht farsën elektorale. Këto zgjedhje kurrë nuk mund të njihen.”

Deklaratë:

Në farsën elektorale të 11 Majit 2025, kreu i organizatës kriminale të narkoshtetit shqiptar, Edi Rama, përdori të gjitha mjetet, ndër të cilat licencat për mbjelljen në kundërshtim flagrant me ligjin dhe të gjitha konventat ndërkombëtare të 29 mijë e 300 hektarëve drogë.

Ligji i miratuar nga qeveria lejon, autorizon mbjelljen e 200 hektarëve në mbarë vendin.

Por në vitin elektoral, kjo sipërfaqe u shumëfishua dhjetëra herë, qindra herë.

Pra, në vit elektoral Edi Rama rrethoi Shqipërinë në të katër anët e saj, dhe në thellësi, me plantacione droge, vlera e të cilave është kolosale po të kemi parasysh se në 28 mijë hektarë mund të mbillen dhjetëra milionë rrënjë kanabis, të cilat shkojnë në një vlerë të paktën 10 miliardë euro.

Tani pra, siç e shihni ju, në vitin elektoral, janë përcaktuar të mbillen të paktën 1 miliard e 200 mijë rrënjë kanabis sa kurrë, kurrë, kurrë ndonjëherë në histori.

Në qoftë se një hektar i lihet një bime 2 metër katrorë, i bie në një hektar të mbillen 5 mijë bimë.

Në qoftë se shumëzoni 29.400 hektarë me 5 mijë bimë, imagjinoni pra se ku shkon kjo shifër. Shkon mbi miliard e 300 mijë.

Shkon në mbjelljen më të madhe që mund të jetë regjistruar ndonjëherë në një vend.

Dhe që të gjitha këtu, tashmë jo bimë klandestine, por bimë të mbjella me certifikatë shteti, me leje të narkoshtetit.

Kjo është katastrofa më e madhe dhe me këtë akt, Edi Rama nga veriu në jug, lindja në perëndim, bleu qindra mijëra vota.

Thashë dhe njëherë, nuk ka ndodhur kurrë që të autorizohet, të shkelet me 140 herë sipërfaqja e parashikuar me ligjin, siç ka ndodhur në këto zgjedhje.

Ky vendim dhe kjo praktikë, sikur të mos kishte asnjë faktor tjetër, kanabizon tërësisht farsën elektorale.

Këto zgjedhje kurrë nuk mund të njihen.

PYETJE PERGJIGJE ME GAZETARET:

Andon Kello, AbcNews: Meqenëse kjo çështja e farsës është bërë viralet ditët e fundit, dhe si tifoz me francezët si e keni parë ju finalen e Champions League, fitoren me 5-shifra të Parisit ndaj Interit.

Sali Berisha: Është një periudhë ku interesi im për futbollin ka rënë në minimum. Kështu e kam unë. Unë e dua futbollin, por sipas mënyrës time. Nuk them se e pashë (finalen e Chl).

Tani ju donit të më thoni mua, se Edi Rama thuhet se me çarter dhe me bileta që shkojnë tek 30-40 mijë euro, ndoqi ndeshjen dhe doli me Nusretin e 1 mijë dollarëve biftekun.

Sigurisht si sheik, shijon krimet e tij, krimet monstruoze elektoral që ka bërë.

Ermal Rizaj, SYRI TV: Keni ju informacione se kush qëndron pas këtyre hapësirave që do ti marrin për të kultivuar kanabisin.

Sali Berisha: Janë dhënë ato të gjitha licencat. Nuk jemi marrë konkretisht me emrat, por licencë kush përveç njerëzve të lidhur me drogën dhe Ramën nuk merr. Besoj se është e qartë ajo. Aty nuk ka pasur tender për marrjen e tyre.

Armand Maho: Prapa kësaj mund të qëndrojnë gjithmonë grupet kriminale, që përcaktojnë zonat se ku kanabisi ka THC-në më ët lartë, që duhet ta kesh 25 përqind. Pra, kjo procedurë, siç është ndjekur në Kanada ose vende të tjera, bëhet licenca transparente dhe përcaktohet zona e parcelës ku duhet të mbjellësh kanabisin. Por jo të miratosh 29.400 hektarë dhe të dalësh me lista nëpër duar ti, të thuash, ku e ke tokën ti, këtu…

Sali Berisha: Problemi është se mbillen 1 miliard e 300 mijë rrënjë dhe unë e lashë me të lirshëm, 2 metër katrorë rrënja, se janë disa më të vogla, se këta i kanë sofistikuar farnat tani, sjellin farna 45-ditore, që e mbjellin 2-3 herë brenda vitit. Por kjo është sasi e padëgjuar ndonjëherë. Atë e marrin të gjithë partia e krimit. Kush e merr? Janë plantacione të partisë së krimit. Nuk mund të jetë tjetër kush.

Ermal Rizaj, SYRI TV: Në një kohë që janë bllokuar fondet nga IPARD për bujqësinë, kjo skemë e favorizon apo e dëmton skemën e bujqësisë në Shqipëri.

Sali Berisha: Korrupsioni me fondet e IPARD është një nga aktet më të shëmtuara. Dosjen e mban Altin Dumani me urdhër të Edi Ramës. Dosja është dorëzuar në SPAK nga ish-ambasadorja e BE para largimit të saj.

Por një dorë e zezë e ka bllokuar atë dhe ajo nuk lëviz. Ka privuar fermerët shqiptarë nga 130 milionë euro. Kurse autorja kryesore, pas Ramës, e atyre vjedhje të fondeve të IPARD-it, është këshilltare në kryeministri.

Po përgatit një libër, një tekst për akademinë e barinjve. Po, po, se tani ka aktivitet akademik ajo Krifca.

Ermal Rizaj, SYRI TV: Sa i takon hartës që u denoncua, në këtë hartë ku janë caktuar zonat, janë zona të denoncuara nga z. Berisha, që janë denoncuar për aktivitete kriminale. Ka dyshime për vijimësinë e kultivimit të kanabisit edhe për situata më të vështira seç ka qenë edhe më herët.

Armand Maho: Normale, se një shpërndarje e tillë e zonave, siç thamë janë më shumë se 249 kilometra katrorë, por të shpërndara, e bën të pamundur kontrollin nga policia. Plus që aktiviteti në këto zona vijon ende sot.

Si ka qenë efekti elektoral. Sipas disa matjeve të mia në zonën e Malësisë së Madhe, në 2021 ishte PD-ja fituese me gati 3500 vota para, ndërkohë që sivjet ishte kthyer me 4 mijë vota përmbysje për PS-në.

Të fitojë PS-ja Postribën ku është lejuar përdorimi i kanabisit nuk ka ndodhur në këto 34 vite. Pra efektin e vet e ka pasur. Sepse, siç e thashë dhe më parë, nuk janë vetëm njerëzit aty, por edhe ata që kanë emigruar në Tiranë, jashtë. Prandaj ka dhënë dy zona në Kukës, ose komplet Dropullin që është i boshatisur.

Sali Berisha: Siç e shifni këto ishin zgjedhjet e kanabizimit më të madh në historinë e vendit.