Për herë të parë në histori, piloti i Gripen AI ngadhënjen ndaj njeriut në luftime ajrore

Kompania suedeze Saab ka filluar të përdor inteligjencën artificiale, AI, për drejtimin e avionëve Gripen E në luftime. Gjatë testimit, inteligjenca artificiale rezultoi e aftë për të rrëzuar avionët e drejtuar nga pilotët njeri, raporton Svenska Dagbladet.

Në më pak se gjysmë viti, gjigandi i industrisë së mbrojtjes ka zhvilluar një zgjidhje që lejon versionin më të fundit të Gripen të fluturojë dhe të marrë pjesë në luftime ajrore kundër një avioni standard luftarak me ndihmën e inteligjencës artificiale. Fluturimi i parë i tillë u zhvillua më 28 maj të këtij viti.

Fillon një epokë e re në aviacionin luftarak

Inteligjenca artificiale drejtoi avionin dhe kreu një mision luftarak. Ky ishte një hap i madh për Saab dhe për të gjithë botën e aviacionit luftarak, dhe pas 20 vitesh besoj se 28 maji do të shihet si fillimi i një aftësie të re në aviacionin luftarak,” tha kreu i programeve të avancuara në divizionin Aeronautics të Saab, Peter Nilsson.

Kjo do të thotë, ndër të tjera, se kompania po punon edhe për avionë luftarakë ose zgjidhje të tjera ajrore që duhet të zëvendësojnë Gripen pas disa dekadash. Sidoqoftë, testet aktuale të AI tregojnë se Gripen E mund të ketë një jetëgjatësi më të gjatë se sa pritej. Domethënë, me ndihmën e inteligjencës artificiale, avionit mund t’i jepen aftësi të reja shumë më shpejt se më parë.

Puna për zgjidhjen e re të AI filloi në fillim të këtij viti kur softueri i AI Centaur mësoi të fluturonte me Gripen E.

Centaur vjen nga kompania gjermane e mbrojtjes Helsing, e specializuar në teknologjinë e inteligjencës artificiale dhe në të cilën Saab ka investuar më parë.

Agjencia Suedeze e Pajisjeve të Mbrojtjes “Försvarets materielverk”, e cila siguron pajisje për ushtrinë suedeze, është gjithashtu e përfshirë në projekt.

U deshën vetëm pesë muaj që AI që mësoi të drejtonte avionin të ishte gati për luftime ajrore. Kjo do të thotë se zhvillimi ka ecur shumë më shpejt se zakonisht në industrinë mjaft të ngadaltë të mbrojtjes.

Nuk është e qartë se kur do të jetë gati sistemi që ti dorëzohet ushtrisë. Saab thotë se kjo do nuk të ndodhë “edhe për një kohë”. Kompania gjithashtu nuk ka ndonjë kontratë për të ofruar zgjidhjen e inteligjencës artificiale.