Mesazhi i Ambasadorit të SHBA në Izrael për Trump: “Zoti të zgjodhi ty për këtë moment”

Presidenti i Shteteve të Bashkuara, Donald Trump, publikoi një mesazh të Ambasadorit amerikan në Izrael, Mike Huckabee, ku ai shprehet se Trump ishte zgjedhur nga Zoti për këtë moment dhe e krahason rolin e tij me atë të Presidentit Harry Truman në vitin 1945.

“Nuk besoj se ka pasur një moment si ky që nga Truman dhe themelimi i shtetit të Izraelit,” thekson Huckabee në mesazh, të cilin Trump e publikoi në rrjetin social Truth duke përfunduar:

“Zoti të zgjodhi ty për këtë moment!”

Ndryshe, ky mesazhi vjen në pikun e përshkallëzimit të tensioneve në Lindjen e Mesme, derisa Administrata Trump po balancon mbështetjen për Izraelin dhe përpjekjet për të parandaluar një përshkallëzim më të gjerë rajonal.